निर्वाचनको मिति नजिकिँदै जादा प्रहरी पनि स्वतन्त्र हिसाबले चल्न नसकेको आरोप लाग्न थालेको छ। विभिन्न ठाउँमा भएका झडपमा दल विश्ोषको अनुकुलतामा व्यवहार गरेको भन्ने आरोप लागेको नेपाल प्रहरीले गएराती रोल्पाको होलेरीमा एमालेका एक कार्यकर्तालाई मरणासन्न हुनेगरी कुटेको छ।
डुब्रीङ–१ का कुलबहादुर बुढालाई एक होटलमा ट्वाईलेट जादै गरेको अवस्थामा निर्घात कुटपीट गरेको आरोप एमालेले लगाएको छ।
ईलाका प्रहरी कार्यालय होलेरीका प्रहरी निरीक्षक बिचित्र शाहका अनुसार बुढाले राती अमर्यादित व्यवहार गरेका कारण घटना घटेको हो। उनले छानबिनको लागि कुटपीट गर्ने प्रहरी जवान हुर्मत अधिकारीलाई हिरासतमा राखीएको जानकारी दिए।
सो क्षेत्रमा एमालेका कार्यकर्ता अहिले आक्रोसीत भएका छन्।