सरकारले छिमेकी राष्ट्रका राष्ट्र प्रमुखको औपचारिक नेपाल भ्रमणमा बेला एक दिन सार्वजनिक विदा दिने निर्णय गरेको छ।
प्रधानमन्त्री तथा मन्त्रिपरिषदको कार्यालय सिंहदरवारमा बिहिबार बसेको मन्त्रिपरिषद बैठकले निकट छिमेकी राष्ट्र भारत र चीनका राष्ट्र प्रमुखको औपचारिक नेपाल भ्रमणका बेला १ दिन सार्वजनिक विदा दिने निर्णय गरेको हो ।
बैठकपछि सञ्चारकर्मीहरुसँग कुरा गर्दै सरकारका प्रवक्ता एवं सूचना तथा सञ्चारमन्त्री सुरेन्द्र कार्कीले दुई छिमेकी देशका राष्ट्र प्रमुखले नेपाल भ्रमण गर्दा एक दिन सार्वजनिक विदा दिने निर्णय गरेको जानकारी दिए।
भारतका राष्ट्रपति प्रणव मुखर्जीले आगामी बुधबारदेखि नेपालको तीन दिने औपचारिक भ्रमण गर्ने कार्यक्रम तय भएको छ । त्यसैगरी बैठकले घरेलु तथा साना उद्योग विकास समितिको सञ्चालक समितिको अध्यक्षमा दिपेन्द्र आचार्यलाई नियुक्त गरेको छ।
यस्तै थानकोट चित्लाङ गणेशमान मार्गको स्तरोन्नती गर्ने सम्बन्धमा पनि बैठकले निर्णय गरेको मन्त्री कार्कीले जानकारी दिए।