सद्भावना पार्टीका अध्यक्ष राजेन्द्र महतोले वर्तमान प्रधानमन्त्री पुष्पकमल दाहाल र पूर्व प्रधानमन्त्री केपी ओलीको मधेसप्रतिको व्यवहार झुक्क्याउने मात्र भएको आरोप लगाएका छन्। बुधबार दिउँसो सद्भावना पार्टी पर्साले वीरगन्जमा आयोजना गरेको पार्टी प्रवेश कार्यक्रममा बोल्दै नेता महतोले यस्तो धारणा व्यक्त गरेका हुन्।
नेता महतोले विगतमा केपी ओली नेतृत्वको सरकारले मधेसी मोर्चासंग ३६ पटक वार्ता गरी अल्झाएका र अहिले प्रचण्डले पनि समझौता गरेर अल्झयाइ्रहेका बताए। उनले सरकार बन्नु अघि मधेसी मोर्चासंग भएको सम्झौता कार्यान्यवन नभए छठपछि कठोर आन्दोलन गर्ने चेतावनी समेत दिए।
उनले अधिकार, पहिचान र स्वभिमानको लागि भएको मधेस आन्दोलनका कारण वीरगन्जले पूरा विश्वमै पहिचान बनाइ सकेको बताए। तर वीरगन्ज जस्तै मधेसको अन्य जिल्लामा आन्दोलन नभएका कारण मधेसको माँग समयमै पूरा हुन नसकेको र केही साथीहरुले ईमान्दारीपुर्वक जिम्मेवारी निर्वाह नगरेकोमा दुःख व्यक्त गरेका थिए।
महतोले नेपालमा बस्ने पहाडी समुदायको सम्र्पक भाषा नेपाली र मधेसमा बस्नेको सम्र्पक भाषा हिन्दी रहेको बताएका थिए। उनले भने, ‘मधेस आन्दोलन कुनै जाती वा समुदायबिरुद्धको नभई मधेसी जनताले आफना अधिकार र पहिचानका लागि गरेको हो। मधेसी जनता मधेसका सच्चा धर्तीपुत्र हुन्।’