राप्रपा नेपालका माहामन्त्री राजेन्द्र लिङ्गदेनले अख्तियार दुरूपयोग अनुसन्धान आयोगका प्रमुख लोकमानसिंह कार्कीको माहाअभियोग प्रस्तावमा आफ्नो पार्टी एमाले र माओवादीको साक्षी नबस्ने बताएका छन्।
झापाको बिर्तामोडमा शनिबार कार्यकर्ता भेटघाट कार्यक्रममा बोल्दै लिङ्गदेनले अन्य दलसँग छलफलनै नगरी एमाले र माओवादीले विना कारण एक्लौटी ल्याएको प्रस्तावमा राप्रपा नेपाल उनीहरुको साक्षी नबस्ने प्रस्ट पारेका हुन्।
उनले भने, ‘लोकमानको आरोपमाथि सत्य तथ्य बुझेर मात्र पार्टीले उपयुक्त निर्णय लिनेछ। एमाले र माओवादीले गरेको भ्रष्टचारको कारबाहीबाट बच्न मात्र अख्तियार दुरुपयोग अनुसन्धान आयोगकका प्रमुख विरुद्ध माहाअभियोगको प्रस्ताव ल्याएको हो,’ उनले भने, ‘माओवादी लडाकुको नाममा गरेको करोडौंको भ्रष्टचार ढाकछोप र त्यसको कारबाहीबाट बच्न एमाले र माओवादीले लोकमानसिंह कार्कीमाथि संसदमा माहाअभियोगको प्रस्ताव दार्ता गराएका हुन्।’
