श्रममन्त्री सूर्यमान गुरुङले सरकारले खाडी मुलुकमा जेल जीवन बिताइ रहेका नेपाली नागरिकलाई नेपाल फिर्ता ल्याउने तयारी गरिरहेको बताएका छन्।
आज विराटनगर विमानस्थलमा सञ्चारकर्मीसँगको कुराकानीमा उनले खाडीको कारागारमा रहेका नेपालीको यकिन तथ्याङ्क नहुँदा नेपाल फर्काउन समस्या भइरहेको बताए।
मन्त्री गुरुङले सरकारले ‘फ्रि भिसा’ र ‘फ्रि टिकट’ को योजना ल्याएपनि विदेश जानेको सङ्ख्या भने घटेको बताए। गैरकानुनी तरिकाबाट वैदेशिक रोजगारमा पठाउनेलाई सरकारले कडा कारबाही गर्ने उनको भनाइ थियो । रासस