नेपाली समुदायको जनघनत्व अमेरिकाको वासिंगटन डिसी, भर्जिनिया, न्युयोर्क, क्यालिफोर्निया, सिकागो तथा अन्य राज्यहरुमा वृद्धि हुँदै गइरहेको छ। जनसंख्या ह्वातै बढ्दो अवस्थाको साथै नेपाली अमेरिकी पनि स्थानीय, क्षेत्रीय तथा अन्य निर्वाचनमा चासो देखाउन थालेका छन्। २०१० को अमेरिकाको १० बर्षे जनगणनामा करिब साठी हजारले नागरिकता लिएको देखाएको छ।
हाल २०१३ सम्ममा निकै नेपालीहरुले अमेरिकाको नागरिकता लिइसकेका छन् भने अमेरिकाका बिभिन्न ठाउँमा भएको निर्वाचनमा नेपालीहरु सक्रिय रुपमा डेमोक्रेटिक तथा रिपब्लिकनका उम्मेदवारहरुलाई जिताउन चुनाबी प्रचारप्रसारमा खुलेर लागेका थिए िडिसी महानगर क्षेत्र ९भर्जिनिया, डिसी र म्यारील्याण्ड० मा रहेका नेपाली समुदायसँग दुवै दलका उम्मेदवारहरुले बाक्लो भेटघाट गर्दै आफूतिर तान्ने प्रयास गरे भने नेपाली समुदायकै पहलमा अन्तर क्रिया कार्यक्रममा नेपालीहरुको समस्याहरुलाई सम्बोधन गर्ने प्रतिबद्दता उमेद्वारहरुले बताएका थिए ि
निर्वाचनमा धेरै स्थानमा डेमोक्रेटिकहरुले विजय हात परेका छन् भने अधिकांश नेपाली अमेरिकीहरुको अलि ज्यादा झुकाब डेमोक्रेटिक दलमा देखिएको छ। गत २०१२ मा राष्ट्रपतिको निर्वाचनमा पनि बराक ओबामालाई अल्प संख्यक नेपाली अमेरिकीले मत दिएको एक सर्वेक्षणले देखाएको थियो
डिसी महानगर क्षेत्रमा मतदान गर्न गएका तथा पहिलो पटक मतदान गरेका नेपाली अमेरिकीले कुराकानीमा प्रजातन्त्रमा धेरैले विश्वास गरेको हुनाले प्रजातान्त्रिक दललाई नै गोप्य मतदान गरेको बताए। कति बर्ष पछि मत खसाल्नुभएको भनी डिसीका एक नेपाली अमेरिकनसंग प्रश्न राख्दा अमेरिकामा आए पछि नागरिकता लिन धेरै बर्ष कुर्नुपर्ने हुनाले यस्तो अवसर पहिलो पटक पाएकाले खुसी ब्यक्त गरे। भर्जिनियाका नवनिर्वाचित गवर्नर टेरी म्याकल्फीलेकेही समयअघि नेपाली समुदायको सहयोग अपेक्षा गरेको भन्दै भर्जिनियाको प्रजातान्त्रिक लाउडन काउन्टीको भेटघाटमा उक्त कुरा बताएका थिए।