एकीकृत नेकपा माओबादी रुकुम २ का उम्मेदवार जनार्दन शर्माले सम्बोधन गर्ने चुनावी सभास्थल नजिकै बम फेला परेको छ। बाँफिकोट नेटाबजारमा हुन लागेको एकिकृत माओबादीको सभा स्थल नजिक अज्ञात समुहले राखेको बम फेला परेको प्रहरीले जनाएको छ।
सभा स्थल नजिकै रहेको गेटमा रातो कपडामा खतरा लेखेको बम इलाका प्रहरी कार्यालय बाफीकोट बाट गस्तीमा गएको प्रहरीले बिहान उक्त बम फेला पारेको थियो। बम भेटिएको स्थान र इप्रका करिब पाच मिनेटको दुरीमा छ। उक्त बम सदरमुकाम बाट गएको नेपाली सेनाको दि फेमश महिन्द्र दल गणको बम डिस्पोजल टोलीले निस्कृय पारेको गणपति अभिराज आचार्यले बताए।
यस्तो बम आतंकित पार्नको प्रयोग हुने भएकाले कुनै समुहले राखेको हुनसक्ने गाणपति आर्चायले जानकारी दिए। बम भेटिएको हल्ला चलेपछि जनजीवन केही समय आतकित समते बनेको थियो । बम कसले राखेको हो भन्ने स्पष्ट हुन सकेको छैन। सभा स्थल वरपर सुरक्षा ब्यवस्था कडा बनाइएको छ। बाफीकोट नेकपा माओबादीको पकड एरिया मानिन्छ। मंगलबार साँझ मात्र नेकपा माओवादीले बाफीकोटमा मसाल जुलुस निकालेको थियो।
एनेकपा माओबादीले भने उक्त बम बैद्य समुहले राखेको आरोप लगाएको छ। एनेकपा माओबादीको कार्यक्रम स्थलमा बम फेला परेको पहिलो घटना हो। बम निष्कृय भएपछि सभालाइ एनेकपा माओबादीका उम्मेद्धार जर्नादन शर्माले सम्बोधन गरेका थिए । नेपालमै पहिलो पटक तत्कालिन विद्रोही माओबादीले बाफीकोट बाट जनसरकार घोषणा गरि आफनो जनसत्ता संचालन गरेको इतिहास छ । उक्त स्थानहरुमा बैद्य कार्यकर्ताहरुले एमाओबादीलाइ बहिष्कारको अभियान सुरु गरेका छन। गाउँहरुमा टाँसिएका पोष्टरहरु च्यातिदिएका छन्।
क्याप्सन: एकीकृत नेकपा माओबादी रुकुम क्षेत्र नं २ का उम्मेदवार जनार्दन शर्माले सम्बोधन गर्ने बाफीकोट १ नेटाबजारमा कात्तिक २० गते हुने चुनावी सभा स्थल नजिकै राखिएको होक्स नामको बम नेपाली सेनाको टोलीले निष्कृय बनाउँदै। तस्बिर: तारक प्रतिभा