निर्वाचन आयोगले माओवादीले समानुपातिक उम्मेदवार बनाएको वालकृष्ण ढुंगेलको उम्मेदवारी रद्द गरेको छ। समानुपातिक उम्मदवारको दावी विरोधको सुनुवाई गर्दै आयोगले त्यस्तो निर्णय लिएको हो।
सर्वोच्च अदालतबाट ज्यान मार्ने उद्योगमा सजाय पाएका ढुंगेललाई माऔवादीले निर्वाचन कानून विपरित उम्मेदवार बनाएपछि एमाले नेतृ रामकुमारी झाक्रीले उजुरी गरेकी थिइन।
संविधान सभा निर्वाचन सम्वन्धि कानून अनुसार सर्वोच्च अदालतबाट फौजदारी अभियोगमा सजाय पाएका व्यक्ति उम्मेदवार हुन पाउँदैनन्। माओवादीका अर्का समानुपातिक उम्मेदवार उषा साह फकिरको पनि उम्मेदवारी रद्द भएको जानकारी प्रवक्ता वीरबहादुर राईले दिएका छन्।
'फौजदारी मुद्दामा सजाय र लाभको पदमा रहेका दुई जनाको उम्मेदवारी बदर भएको छ,' राईले भने। फकिर राष्ट्रिय मुस्लिम आयोगको सदस्यको पदमा बहाल रहँदै समानुपातिक सूचीमा पनि परेका थिए।
