सप्तकोसी नदीस्थित कोसी ब्यारेजमा मुस्लिम अतिवादी समूहले हमला गर्ने भनी केही दिन अगाडि विभिन्न सञ्चारमाध्यमा आएको सूचनालाई गृह मन्त्रालयले खण्डन गरेको छ।
मन्त्रालयले बिहीबार विज्ञप्ति निकाल्दै कोसी ब्यारेज सुरक्षामा कुनै कमजोरी नरहेको खण्डन गरेको हो। मन्त्रालयले सुरक्षाजस्तो संवेदनशील विषयमा यथोचित प्रक्रिया र धारणाबिना समाचार आएको र जनमानसमा आतंकसमेत ल्याएको हुँदा यस्तो हल्लाको पछि नलाग्न आग्रह गरेको छ।
भारत बिहार सरकारले सुनसरी र सप्तरी जिल्ला प्रशासनलाई पत्र लेख्दै आइएसले हमला गर्ने धम्की दिएको दाबी गरेको थियो।
.
मन्त्रालयले कोसी ब्यारेजलगायत देशका महत्वपूर्ण संरचना र संस्थाहरुको सुरक्षामा कुनै कमी नभएको जनाएको छ। उसले यस्ता हल्लाले समाजलाई त्रसित तुल्याउने र सुरक्षाको आन्तरिक मामिलामा असर पर्न जाने भएकाले यसतर्फ सबैको ध्यान जानु आवश्यक रहेको बताएको छ।
हेर्नुहोस् गृहको खण्डन
