विवादित मनमोहन मेमोरियल मेडिकल कलेजको भौतिक संरचना वीर अस्पतालले किन्ने गरी डा. गोविन्द केसी र सरकारी टोलीबीच सहमति भएको छ।
स्वास्थ्य मन्त्रालयमा दिनभरि भएको वार्ताले तयार पारेको मस्यौदामा केसीले सहमति जनाएपछि टुंगोमा पुगेको हो।
टिचिङ अस्पतालको अनसनरत कोठामा डा. केसी र वार्ताटोलीबीच सम्झौताको मस्यौदामाथि छलफल थियो। सरकारी पक्षसँग भएको सहमतिपछि सोमबारै केसीले अनसन तोड्ने स्रोतले बतायो।
डा. गोविन्द केसी र सरकारी पक्षबीचको वार्ता भाँड्दै आएको मनमोहन कलेजको मुद्दा सल्टिएपछि आइतबार सहमति भएको हो। आठौं अनसनको आज १५ औं दिन हो।
आइतबार स्वास्थ्य मन्त्रालयमा दुई पक्षबीच भएको वार्तामा विवादित मनमोहन अस्पतालको भौतिक संरचना वीर अस्पतालमा सञ्चालित चिकित्सा विज्ञान राष्ट्रिय प्रतिष्ठान (न्याम्स) ले खरिद गर्ने गरी सहमति भएको छ। बिहीबारदेखि भएको वार्ता क्रममा मनमोहनलाई निजी प्रतिष्ठानका रूपमा नभई न्याम्सको विस्तारित इकाईका रूपमा सञ्चालन गर्नेबारे छलफल भएको थियो। यसका लागि सरकारले वीरलाई अनुदान दिने र त्यसैबाट वीरले मनमोहनको पूर्वाधार खरिद गर्ने प्रस्ताव गरिएको थियो। यसबारे सुरुमा सरकारी पक्षले आनाकानी गरे पनि अन्ततः सहमत भएको स्रोत बताउँछ।
के सहमति भयो?
