स्याङ्जा चापाकोट गाविसकी एक दलित महिलाको मृत्युको निष्पक्ष अनुसन्धान नगरेको भनि प्रहरी चौकी घेर्न गएका स्थानीयवासीमाथि प्रहरीले गोली चलाएको छ । दिउँसो भएको घटनामा दुई युवा मारिएका छन् । तीन जाना गम्भिर घाइते छन् ।
प्रहरीले चलाएको गोली लागेर चापकोटकै २१ वर्षीय सुर्य आले र १८ वर्षीय कृष्ण भट्टराईको घटनास्थलमा मृत्यु भएको छ ।
स्थानीय माया बिकको आत्महत्याबारे प्रहरीले गरेको अनुसन्धान चित्त नबुझेको भन्दै थप अनुसन्धानका लागि दबाब दिन पुगेका स्थानीय र प्रहरीबीच मंगलबार भएको झडपमा उनीहरुको ज्यान गएको हो ।बिकले टीकाको अघिल्लो दिन आत्महत्या गरेको प्रहरी अनुसन्धानले देखाएको छ ।
तर स्थानीयले भने ३५ वर्षीया मायाको पति र सासुले हत्या गरेर झुण्डाएको आरोप लगाएर अनुसन्धान माग गरिरहेका छन् ।
चार सय जाना भन्दा बढि चौकी घेर्न आएका थिए । प्रहरीले आत्महत्या नै भएको अडान लिएपछि तनाव उत्पन्न भएको हो ।
चित्त नबुझेको भए जिल्ला सदरमुकाम जान प्रहरीले सुझाएपछि स्थिती बाहिर गएकी थियो ।
उक्त घटनामा भिड बढेको भन्दै प्रहरीले सुरक्षाको लागि भन्दै हवाई फायर खोलेर पछि भीडमा नै गोली चलाएको थियो।
स्याङ्जाका डिएसपी आभूषणा तिमल्सीना घटनास्थल पुगिसकेका छन् ।
घटनाको थप विवरण बुझ्न अहिले सशस्त्र प्रहरीको टोली घटनास्थलमा गइरहेको पश्चिम क्षेत्रीय सशस्त्र प्रहरी बलका सहायक बाहिनीपति(एसएसपी) दुर्गाबहादुर कुवरले सेतोपाटीलाई बताए ।
