आयुक्तहरुलाई त थाहा छैन सबै दलको नाम र चिन्ह, भोटरलाई के होला?

  • Get News Alerts

१२२ दलका लागि दैनिक पत्रिकाको एकपेज जत्रो मतपत्र
आसन्न संविधानसभा निर्वाचनमा समानुपातिक निर्वाचन प्रणालीतर्फ १२२ वटा राजनीतिक दलहरुले ११ हजार ३ जना उम्मेदवारहरुको बन्दसूचि पेश गरेका छन्। त्यसैगरि प्रत्यक्ष निर्वाचन प्रणालीतर्फ ६ हजार एक सय २८ जना दलका र स्वतन्त्र उम्मेदवारहरुले निर्वाचनमा भाग लिदैछन्।
 
निर्वाचन आयोगलाई समानुपातिक निर्वाचन प्रणालीतर्फ १२२ दलका लागि त्यति नै संख्यामा चुनाव चिन्ह अट्ने झण्डै एउटा राष्ट्रिय दैनिक पत्रिकाको एक पेज भन्दा ठूलो आकारको मतपत्र छाप्नुपरेको छ।
 
नेपाल जस्तो मुलुक जहाँ अघिल्लो संविधानसभाको निर्वाचनमा ५४ वटा दलले मात्र भाग लिदाँ पनि ५ प्रतिशत भन्दा बढी प्रत्यक्षतर्फ र करिब ४ प्रतिशत समानुपातिकतर्फ मत बदर भएको थियो भने आसन्न निर्वाचनमा त्यति धेरै दल सम्मीलित मतपत्रमा आफूले चाहेको दलको चिन्ह पहिल्याएर मतदान गर्न र त्यसलाई सुरक्षित ढंगले पट्याएर मतपेटिकामा खसाल्न कति असहज होला? प्रश्न गम्भीर छ। 
 
मतदाताको त कुरै छाडौ स्वयम् प्रमुख निर्वाचन आयुक्त निलकण्ठ उप्रेतीलाई समेत निर्वाचनमा भाग लिने सबै दलहरुको नाम र तिनको निर्वाचन चिन्ह के के हो भन्ने प्रश्नको जवाफ सजिलै आउदैन। 
 
संयुक्त राष्ट्रसंघिय विकास कार्यक्रम युएनडीपी र युरोपियन युनियनका सदस्य राष्ट्रहरुको संयुक्त सहयोगमा स्थापित अत्याधुनिक सुविधा सम्पन्न मिडिया सेन्टरको सोमवार एक विशेष कार्यक्रम गरी उद्घाटन गरे पश्चात पत्रकारसँगको पहिलो साक्षातकार कार्यक्रममा उप्रेतीले यस्तो संकेत गरे। 
 
एक सय बाइस दलको चुनाव चिन्ह समाविष्ठ गरिएको नमुना मतपत्र देखाउदै उनले भने, 'समानुपातिक तर्फको मतपत्र दैनिक पत्रिकाको एक पेज जत्रै हुन्छ'। तपाईलाई चुनावमा भागलिने सबै दलहरुको नाम र तिनीहरुको चुनाव चिन्ह सोध्यो भने आउँछ भनि प्रश्न गर्दा उनले जवाफमा भने, 'सबै दलहरुको नाम र तिनीहरुको चिन्ह किन चाहियो? तपाईले जुन दल र त्यसको उम्मेदवारलाई मत दिने हो उसैको नाम र चिन्ह मात्र थाहा भए भईहाल्यो नि'। उपस्थित पत्रकार र निर्वाचन आयोगका कर्मचारीमा हाँसोले हल गुन्जियो। 
 
केही समय पहिले नेकपा एमालेका अध्यक्ष झलनाथ खनाल अमेरिका भ्रमणमा जाँदा संयुक्त राष्ट संघका महासचिव वान कि मुनले पनि खनाल सँग यस्तै प्रश्न गरेको एमाले पार्टी स्रोतले बतायो। भेटका क्रममा महासचिव वान कि मुनले कति दल छन् भनि सोधे। जवाफमा खनालले करिब १४० दलले आयोगमा नाम दर्ता गराएको बताएपछि के तपाईलाई त्यी सबै दलको नाम आउछ? भनी सोधेका थिए।
 
प्रतिउत्तरमा आउदैन भनेपछि महासचिव मुनले यसको अर्थ यो त अलि भिडतन्त्र जस्तै भयो हगि भन्दै व्यवस्थापनमा पनि समस्या हुनसक्ने धारण राखेको एमाले स्रोतले बताएको छ। 
 
यसैबिच पत्रकारसँगको अर्न्तक्रिया कार्यक्रममा प्रमुख आयुक्त उप्रेतीले आयोगले आसन्न निर्वाचनको तयारी तिब्रगतिले अगाडि बढीरहेको बताउदै, निर्वाचन सम्पन्न गर्न आवश्यक ४ लाख २५ हजार कर्मचारी र सुरक्षाकर्मीसहितको जहाज उडीसकेको र सो जहाज निर्धारित मितिमा निर्वाचन सफलताकासाथ सम्पन्न गरी अवतरण गर्ने बताए। 
 
नेकपा माओवादीलगायतका विभिन्न दल र निर्वाचन विरोधी समूहले दिन प्रतिदिन देशका विभिन्न ठाउँ र राजधानीमा समेत राजनीतिक दलका नेता, उम्मेदवार र निर्वाचनमा खटिएका कर्मचारीप्रति लक्षित गरी गरेका सांघातिक आक्रमण, लुटपाट आगजनी र विरोधले निर्वाचन सुरक्षामा पारेको असर बारे जिज्ञासा राख्दा उप्रेतीले भने, 'निर्वाचन आयोग र सुरक्षाकर्मीहरु निर्वाचन शान्तिपूर्ण तवरले सम्पन्न गर्न प्रतिबद्ध छन्। र दलका नेता तथा उम्मेदवारहरुले पनि निर्वाचन प्रचार प्रसारमा हिड्दा, सवारी साधन पार्किङ गर्दा अलिकति सजगता र सतर्कता अपनाउन पर्यो नि।’ 
 
निर्वाचन विथोल्ने प्रणका साथ वैद्य नेतृत्वको माओवादी लगायतको ३३ दलिय मोर्चाले आव्हान गरेको नेपाल बन्द घोषणा र त्यसले पार्नसक्ने असरबारे प्रमुख आयुक्त उप्रेतीले भने, निर्वाचनको समय सवारी साधन नचल्ने हुँदा प्रायः बन्द जस्तै वातावरणमा हुने भएकोले कसैले गरेको बन्दले निर्वाचनमा असर पर्दैन। निर्वाचनको जहाज ढुक्कसँग अवतरण गर्छ। 

प्रतिकृया दिनुहोस

बिज्ञापन

थप समाचार

  • सीमा निर्धारण गर्ने समितिको समयसीमा सकियो, जिल्लाहरूमा काम भएन

    स्थानीय तहको सीमा र संख्या निर्धारण गर्न जिल्लास्तरमा गठन गरिएका प्राविधिक सहयोग समितिले पाएको थप समयसीमा आज सकिएको छ। तर,थपिएको समयसीमामा पनि अधिकांश जिल्लाले स्थानीय तहको संख्या र सीमा निर्धारण गर्न बनेको आयोगमा प्रतिवेदन बुझाउन सकेनन्। सबै ७५ जिल्लामा अब बन्ने गाउँपालिका र नगरपालिकाको संख्या तोकेर आयोगले यसअघि नै पठाएको थियो। आयोगले पठाएको संख्या र मापदण्ड भित्र रहि सिमाङ्कन गर्नु पर्ने प्राविधिक समितिको जिम्मेवारी हो।

  • स्वराजले दिइन् महतलाई शुभकामना

    स्वराजले दिइन् महतलाई शुभकामना शुभकामना सन्देशमा उनले भारतले नेपाल र नेपालीसँगको सम्बन्धलाई उच्च महत्व दिएको उल्लेख गर्दै महतको कार्यकालमा दुई देशबीचको सम्बन्ध अझ सबल बनाउन काम गर्ने इच्छासमेत व्यक्त गरको परराष्ट्र मन्त्रालयले जनाएको छ।

  • न्यायालयमा बाल इजलाश राखिने

    न्यायालयमा बाल इजलाश राखिने प्रधानन्यायाधीश सुशीला कार्कीले न्याय क्षेत्रमा आम नागरिकको पहुँच पुर्‍याउन कानुन व्यवसायीको भूमिका महत्वपूर्ण रहेको बताएकी छन्। नेपाल बार एसोसिएसन झापा इकाइमा आज आयोजित स्वागत कार्यक्रममा उनले न्याय सम्पादनमा न्यायाधीशलाई कानुन व्यवसायीले सहयोग गर्नुपर्ने बताइन्।

  • मुक्त हलिया, कमैया र कमलरीको पुनःस्थापना गर्न माग

    राष्ट्रिय मुक्त हलिया समाज महासङ्घ, कमैया प्रथा उन्मूलन समाज, मुक्त कमैया महिला विकास मञ्च, नेपाल राष्ट्रिय दलित समाज कल्याण सङ्घ र राष्ट्रिय दलित नेटवर्कले आज भूमिसुधार तथा व्यवस्थामन्त्री विक्रम पाण्डेलाई एक ज्ञापनपत्र बुझाई ध्यानाकर्षण गराएका हुन् ।

  • उच्चस्तरीय शिक्षा आयोग गठन गर्न पहलकदमी लिने

    उच्चस्तरीय शिक्षा आयोग गठन गर्न पहलकदमी लिने नेपाल विद्यार्थी सङ्घले उच्चस्तरीय शिक्षा आयोग गठन गर्न पहलकदमी लिने भएको छ । यही भदौ १० र ११ गते बसेको नवनिर्वाचित केन्द्रीय समितिको बैठकका निर्णयबारे जानकारी दिन आज उहाँ आयोजित पत्रकार सम्मेलनमा सङ्घका अध्यक्ष नैनसिंह महरले मुलुकको समग्र शिक्षा प्रणाली सुधार्ने नेविसङ्घको पहिलो प्राथमिकता रहेको बताए।

usef

लोकप्रिय

सूचनापाटी