मिथिला राज्यको आन्दोलनमा ज्यान गुमाएका शहिदहरुको सम्झनामा बुधबार प्रार्थनासभा तथा दिप प्रज्वलन कार्यक्रम भएको छ। मिथिला राज्य संघर्ष समितिको आयोजनामा सम्पन्न भएको उक्त कार्यक्रममा सहभागिहरुले विहान बमकाण्ड भएको घटनास्थल रामानन्द चौकमा प्रार्थनासभा गरेका थिए भने साँझको समयमा जानकी मन्दिरको प्राङ्गणमा दिप प्रज्वलन गरेका थिए।
समितिद्धारा कार्यक्रमको आयोजना गरिएपनि पदाधिकारीहरुको न्यून उपस्थिति रहेको थियो समितिमा २१ जना सदस्यहरु भएपनि श्रद्धाञ्जलीसभामा संयोजक परमेश्वर कापडी, जिवनाथ चौधरी, सरोज मिश्र, धिरेन्द्र मोहन झा, मोहम्मद कयामुद्धिन र रामवरण पासवानको मात्र उपस्थिति देखिएको थियो। अन्य पदाधिकारीहरु मध्ये अधिंकाश जनकपुरमै भएपनि उनीहरुको उपस्थिती किन नरहेको भने कसैले प्रष्ट गर्न सकेको छैन।
यस सम्बन्धमा समितिका सदस्य धिरेन्द्र मोहन झाले भने– अधिकांश सदस्यहरु निस्कृय रहेका छन्। उनीहरुलाई कुन प्रकारले समितिमा राख्ने विषयमा आफूले संयोजकलाई कुनै ठोस निर्णय लिन पटक पटक आग्रह समेत गरेको उनको भनाई रहेको छ। बम विस्फोटको घटना पश्चात उत्पन्न भएको राजनीतिक माहौलले समेत भय त्रासको वातावरण सृजना गरेको हुनाले यसमा पदाधिकारीहरुले सहभागिता देखाउन नखोजेको धिरेन्द्र मोहनको भनाई रहेको छ।