नेत्रविक्रम चन्द नेतृत्वको नेकपा माओवादीले भ्रष्ट्राचार र कालोबजारी नियन्त्रणको माग गर्दै सरकारलाई ज्ञापनपत्र बुझाएको छ।
नेकपा माओवादीले विहिवार काठमाडौमा जुलुस निकालेर भ्रष्ट्राचार र कालोबजारी नियन्त्रणको माग गर्दै सरकारलाई ज्ञापनपत्र बुझाएको हो । माओवादीका उपत्यका विशेष ब्युरो इन्चार्ज सन्तोष बुढामगर लगायतका नेताले प्रधानमन्त्री तथा मन्त्रीपरिषद्को कार्यालयमा पुगेर ज्ञापनपत्र बुझाएका थिए।
नेकपा माओवादीले ज्ञापनपत्रमार्फत भ्रष्ट्राचार, महङ्गी र कालोबजारीको विरोध गर्ने क्रममा देशका विभिन्न स्थानबाट पक्राउ परेका आफ्ना नेता तथा कार्यकर्तालाई स सम्मान रिहा गर्न पनि सरकारसँग माग गरेको छ ।
