संसदीय सुनुवाइ विशेष समितिले सरकारले सिफारिस नै फिर्ता गरेको विषयलाई बैठकको एजेण्डा बनाएको छ ।
समितिका सभापति कुलबहादुर गुरुङले नेपाली कांग्रेसको माग अनुसार न्याय परिषद्को सदस्यका लागि वरिष्ठ अधिवक्ता रामप्रसाद सिटौलाको फिर्ता भइसकेको सिफारिसलाई बैठकको एजेण्डा बनाएका हुन्।
समितिले आइतबार सिंहदरबारमा बैठक राखेर सिटौलाको फिर्ता भइसकेको सिफारिसमाथि सुनुवाइ गर्ने सम्बन्धमा छलफल गरेको छ । समितिले छलफल गरेपनि कुनै निर्णय नगरेको समितिका सचिव ध्रुवप्रसाद घिमिरेले जानकारी दिए।
नेपाली कांग्रेस समर्थित सिटौलालाई अघिल्लो सरकारले न्याय परिषद्को सदस्यमा नियुक्तिका लागि सिफरिस गरेको थियो । तर सरकार परिवर्तन लगत्तै ८ महिना पहिले प्रधानमन्त्री केपी शर्मा ओलीले संसदीय सुनुवाइ विशेष समिति नरहेको भन्दै सिटौलाको नाम फिर्ता लिएका थिए।
