नेकपा माओवादी केन्द्रका अध्यक्ष पुष्पकमल दाहालले संविधान कार्यान्वयन, पुर्ननिर्माण र मधेस समस्या समाधानका लागि राष्ट्रिय सहमतीय सरकार आवश्यक रहेको भन्दै नेतृत्वका लागि आफू तयार रहेको बताएका छन्।
राष्ट्रिय प्रजातन्त्र पार्टीको २७ औं स्थापना दिवसको अवसरमा मंगलबार राजधानीमा आयोजित चियापान समारोहमा संचारकर्मीसँग कुरा गर्दे नेकपा माओवादी केन्द्रका अध्यक्ष दाहालले सहमतीय सरकारको नेतृत्व लिन तयार रहेको बताएका छन्।
मुलुकको आवश्यकता राष्ट्रिय सहमतिको सरकार रहेकाले त्यसका लागि पहल गर्नुपर्नेमा जोड दिदै अध्यक्ष दाहालले जिम्मेवारीबाट नहट्ने बताएका हुन्। मधेस समस्या सम्बोधन, पुर्ननिर्माण लगायतका विषय सरकार भन्दा बढी महत्चका रहेको भन्दै दाहालले त्यसका लागि राष्ट्रिय सहमति र राष्ट्रिय एकता हुनुपर्ने बताए।
बजेट पछि सरकार परिर्वतन हुने चर्चा चलिरहेका बेला अध्यक्ष दाहालको यस्तो अभिव्यक्ति आउनुले सत्तागठबन्धन दल संग नेतृत्व बारे भद्र सहमति भएको थप पुष्टि गरेको छ।