मधेसी जनअधिकार फोरम नेपाल (लोकतान्त्रिक)का अध्यक्ष विजयकुमार गच्छदारले राष्ट्रिय सहमतिको सरकारले मात्र देशमा उत्पन्न सबै खाले समस्याको समाधान दिन सक्ने बताएका छन्।
सुनसरी सदरमुकाम इनरुवामा पार्टीले आफ्नो सम्मानमा अयोजना गरेको कार्यक्रममा उपप्रधानमन्त्री गच्छदारले प्रधानमन्त्री केपी शर्मा ओलीको नेतृत्वमा पनि राष्ट्रिय सहमतिको सरकार बन्ने सम्भावना रहेको बताउँदै सरकार ढाल्ने र नयाँ गठन गर्ने खेलले कहिल्यै नेपालको भलो सम्भव नहुनेतर्फ आफूले सबै ठूला राजनीतिक दलको ध्यानाकर्षण गराएको जानकारी दिए। रासस