उपप्रधान तथा परराष्ट्रमन्त्री कमल थापाले सरकार फेरबदलको पछिल्लो घटनाक्रम अप्रत्याशित रहेको बताएका छन ।
मिडिया नेपाल मकवानपुरले आज हेटौंडामा गरेको पत्रकार सम्मेलनमा थापाले तत्काल सरकार फेरबदल गर्न नहुने भन्दै यो अप्रत्याशित रहेको बताए। सत्ताका लागि फोहरी खेल सुरु भएको भन्दै थापाले यस प्रकारका कार्यले शान्ति र संविधान कार्यान्वयनमा असहजता आउने बताए।
पदको लोभमा परेर राष्ट्रिय स्वाधिनतामा आँच आउन नदिने उनले बताए। थापाले आफ्नो अडानमा बस्न र अरुको बहकाउमा नलाग्न एमाओवादी अध्यक्ष पुष्पकमल दाहालसँग आग्रह गरे।
