जिल्ला तथा अञ्चल कमिटिबाट प्रत्यक्षतर्फको उम्मेदवारमा सिफारिससम्म नभएकी बिजया धिताललाई बाँकेको क्षेत्र नं ३ वाट टिकट दिएको भन्दै एमालेका कार्यकर्ताले पार्टी कार्यालयलमा नाराबाजी तथा तोडफोड गरेका छन।
एमालेले महिला कोटा नपुगेको जनाउँदै अन्तिम अवस्थामा स्थानीय लोकप्रिय नेता पदम धितालकलाई टिकट नदिई बिजया धिताललाई टिकट दिएपछि आक्रोशित कार्यकर्ताले एमाले भेरी अञ्चल इन्चार्ज तथा क्षेत्र नं १ का उम्मेदबार देबराज भार बिरुद्ध नाराबाजी गरेका छन्।
पार्टी कार्यालयको हलमा टिकट विवादबारे कार्यकर्तासँग छलफल गरीरहेका क्षेत्र नं १ का उम्मेदवार भार तथा अर्का केन्द्रीय सदस्य तथा क्षेत्र नं ४ उम्मेदबार दलबहादुर सुनार र केन्द्रीय सदस्य गौरा प्रसाई लगायतका नेतालाई असन्तुष्ट कार्यकर्ताले करिब आधा घन्टा पार्टी कार्यालय मै थुनेका थिए।
एमाले पार्टी कार्यालयमा तनाब भए पछि पार्टी कार्यालय परिसरमा ठूलो संख्यामा सुरक्षाकर्मी तैनाथ गरिएको छ।
जिल्ला तथा अञ्चल कमिटीबाट प्रत्यक्ष तर्फको उम्मेदवारमा सिफारिससम्म नभएकी बिजया धिताललाई टिकट दिनुको कारणबारे कार्यकर्तालाई सम्झाउन नसके पछि केन्द्रीय सदस्य पार्टी कार्यालयबाट भागेको असन्तुष्ट कार्यकर्ताहरुले बताए।
क्षेत्र नं ३ को टिकट विवाद नमिले बाँकेको ४ वटै निर्बाचनमा क्षेत्रमा त्यसको असर पर्ने बताउँदै कार्यकर्ता हरुले चिन्ता ब्यक्त गरेका छन।
बाँकेको ३ नं कमजोर क्षेत्र भएको र महिलाको ३३ प्रतिशत कोटा पर्याउनु पर्ने भएकाले जिल्ला तथा अञ्चलले सिफारिस गरेका नेताको सट्टा महिलालाई टिकट दिइएको एमालेका केन्द्रीय सदस्य सुनारले बताए।
बाँकेको क्षेत्र नं ३ नेपाली काग्रेसका सभापति शुशिल कोइरालाको पनि क्षेत्र हो। जिल्लाको पछिल्लो अबस्थाका बारेमा पार्टीका बरिष्ठ नेता माधव नेपाल तथा उपाध्यक्ष बामदेब गौतमलाई जानकारी गराए पनि अब फेरबदलको कुनै गुन्जायस छैन भन्ने जबाफ आएको केन्द्रीय सदस्य सुनारले बताए।
कमजोर क्षेत्रमा महिलाको ३३ प्रतिशत कोटा पुर्याउने नाममा कार्यकर्त्ााको चर्काे असन्तुष्टी हुदाँ हुदै एमालेले बिजया धिताललाई टिकट दिएर महिला प्रतिको पार्टीको सक्कली चरित्र देखाएको छ।
टिकट पाएकी बिजया धितालले आफू क्षेत्र नं ३ वाट लड्न इच्छुक नभए पनि पार्टीले टिकट दिएका कारण चुनाब लडनु पर्ने अबस्था आएको बताएकी छिन।