कपिलवस्तुको क्षेत्र नम्बर २ बाट काग्रेसका नेता अतहर कमालले टिकट नपाएको भन्दै कमालका समर्थकहरुले पार्टीको तौलिहवास्थित कार्यालयमा आगजनी गरेका छन्।
लोकप्रिय नेता कमाललाई टिकट नदिई अन्याय गरेको भन्दै उनका समर्थकहरुले पार्टी कार्यालयमा तालाबन्दी गर्दै आगजनी गरेका हुन। करिब सय जनाको संख्यामा रहेका क्षेत्र नम्बर २ का कार्यकर्ताहरुले जिल्ला कार्य समितिका पदाधिकारीहरुको नेम प्टेल बोर्ड, कुर्ची लगायतका सामाग्री तोडफोड गर्दै सो आगजनी गरेका थिए।
पार्टी सभापति सुरेन्द्र आचार्य, उपसभापति निर्मला पराजुली, पार्टी सचिव सुरेश शर्मालगायतका पदाधिकारीको नेमप्लेटलाई लात्तीले हिर्काएर तोडफोड गरी उनीहरुले त्यसमा आगो लागएका थिए। आगजनी र विरोध भईरहेका बेला पार्टीको जिल्ला कार्य समितिका केही पदाधिकारी, मुस्लीम संघ लगायतका कार्यकर्ताहरु समेत रहेका थिए।
उनीहरुले पार्टी कार्यालयको साइनबोर्ड, प्यालक्स बोर्डसमेत निकालेर फालेका छन। पार्टी कार्यालयमा उनीहरुले तलाबन्दी, आगजनी गर्दै दिनभरी नै धर्ना दिएका थिए।
सोक्रममा प्लेकार्डसहित आएका उनीहरुले लोकप्रिय कर्मठ युवा उम्मेदवारलाई छनोट गर्नुपर्ने समावेशी सिद्धान्त लागू गरी अतहर कमाललाई उम्मेदवार छनोट गर्नु पर्ने, गुटबन्दी अन्त्य गर्नु पर्नेलगातयका चर्का नाराबाजी गरेका थिए।मुस्लीम वाहुल्यता रहेको क्षेत्रमा समावेशी सिद्धान्त नपनाई गुटउपगुट गरेको उनीहरुको आरोप छ।