युवा संघ नेपालका अध्यक्ष महेश बस्नेतले मंसिर ४ को निर्बाचन कुनै पनि शक्तिले रोक्न नसक्ने दाबी गरेका छन्। प्रेस चौतारी कास्कीले आज पोखरामा गरेको पत्रकार सम्मेलनमा बस्नेतले दोस्रो संबिधानसभा निर्बाचन तोकिएकै समयमा हुने दाबी गरे। उनले कतिपय तत्व चुनाव हुन नदिन लागे पनि यो चुनाव हुनु पर्नेमा जनता रहेका कारण कुनै शक्तिले रोक्न नसक्ने बताए।
माओवादी नेतृत्वको मोर्चासंग निर्बाचन बोथोल्ने हैसियत नभएको भन्दै उनले युवा दस्ता परिचालन गरेर निर्बाचन विरोधी शक्तिलाई परास्त गर्ने जिकिर गरे। आगामी निर्बाचनमा एमालेले प्रत्यक्ष तर्फ बहुमत ल्याउने दावि गर्दै उनले १० लाख मत युथ फोर्सले नै बढाउन बताए।
उनले बुथको सुरक्षादेखि आफ्ना उम्मेदवार र भोटरहरुको सुरक्षाको लागि केन्द्रदेखि गाउँ गाउँसम्म युथ फोर्स परिचालन गर्ने बस्नेतले बताए। चुनावमा भिडन्तको लागि नभई सुरक्षाको लागि युथ फोर्सको गठन गरिएको उनले बताए। निर्वाचनको लागि खर्च बढाउने भनेको भ्रष्टाचारलाई बढावा दिनु भएकाले नगदभन्दा भौतिक सहयोग मागिने बस्नेतले बताए।