नयाँ शक्ति अभियानका संयोजक एवम् पूृर्व प्रधानमन्त्री बाबुराम भट्टराई प्रत्येक महिना 'एक रात जनताको घरमा' बास बस्ने भएका छन्।
भट्टराईको सचिवालयले दिएको जानकारी अनुसार सर्वसाधारणसँग भेटघाटको समय बढाउन उनले यस्तो निर्णय गरेका हुन्।
उनले प्रधानमन्त्री हुँदा पनि महिनामा एकरात जनताको घरमा बिताउने गरेका थिए।
यस्तै नेता भट्टराईले हरेक महिनाको २ र १६ गते दिउँसो १ देखि ४ बजेसम्म सर्ववसाधारणसँग भेटघाट गर्ने कार्ययोजना बनाएका छन्।
नयाँ शक्तिको सचिवालयसँग सम्पर्क गरी संयोजक भट्टराईसँग भेटघाटको समय तय गर्न सकिने सचिवालयले जनाएको छ।
