प्रधानमन्त्री केपी शर्मा ओलीले धरहराको पुनर्निर्माणका लागि एक महिनाको तलब दिने भएका छन्। मंगलबार धरहराको पुननिर्माणका लागि भत्केको धरहराको फेदमा भएको कार्यक्रममा प्रधानमन्त्री ओलीले आफूले एक महिनाको तलब धरहरा निर्माणका लागि दिने बताउँदै अरुलाई पनि धरहरा बनाउन सहयोग गर्न आग्रह गरे।
पर्यटन मन्त्रालय, नेपाल पर्यटन बोर्ड र काठमाडौं महानगरपालिकाले आयोजना गरेको संकल्प कार्यक्रममा प्रधानमन्त्री ओलीले अब बन्ने धरहरा ठूलो , बलियो र सुविधा सम्पन्न हुने बताए।
प्रधानमन्त्रीको मासिक तलब ६१ हजार८ सय २० रूपैयाँ हुन्छ।
गत वैशाख १२ गतेको भूकम्पले राजधानीको सुन्धारामा रहेको नौ तले धरहरा भत्किएको थियो।
