प्रधानमन्त्री केपी शर्मा ओलीले नेपाली फूटबल टोली र नेपाली खेलाडीहरुले १२औं दक्षिण एशियाली खेलकूद प्रतियोगितामा उत्कृष्ट प्रदर्शन गरी नेपाल र नेपालीको गौरव र प्रतिष्ठा बढाएको बताएका छन्।
व्यवस्थापिका संसदको मगंलबारको बैठकमा बोल्दै प्रधानमन्त्री ओलीले भने, 'नेपाली फूटबल टिमको पूरुष टोलीले २३ वर्षपछि दक्षिण एशियाली खेलकुदमा स्वर्ण पदक दिलाउनु नेपालकै लागि खुशीको कुरा हो।'
पूरुषसँगै महिला महिला फूटबल टिम र अन्य खेलाडीलाई सरकारको तर्फबाट बधाइ दिँदै ओलीले नेपाली खेलाडीले नेपाललाई दिलाएको सफलताले सिंगो नेपाल र नेपालीको गौरव र प्रतिष्ठा बढाएको बताए।
नेपालले सोमबार महिला तथा पूरुष फटबलमा क्रमशः रजत र स्वर्ण पदक प्राप्त गरेको थियो।
