प्रधानमन्त्री केपी शर्मा ओलीले आफ्नो भारत भ्रमण भारतसँगको सम्बन्ध सुधारका लागि हुन लागेको बताएका छन्।
मंगलबार संसदमा सम्बोधन गर्दै प्रधानमन्त्री ओलीले संविधान जारी भएपश्चात भारतसँग असमझदारी सिर्जना भएको भन्दै त्यो असमझदारी अन्त्य गर्न र सम्बन्धलाई नयाँ उचाइमा पुर्याउन आवश्यक भएको बताए।
लामो समयदेखि प्राकृतिक, सांस्कृतिक, आर्थिक लगायतमा घनिष्ठ सम्बन्ध रहेका दुई मुलुक नेपाल र भारतल आर्थिक समृद्धिलाई सँगसँगै अगाडि बढाउन आवश्यक भएको बताए। उनले भने, 'त्यसका लागि हामीले नेपाल भारतसम्बन्धाई नयाँ शीराबाट परिभाषित गर्नु छ। समयअनुसार कतिपयकुरा सच्याउनु पर्ने हुनसक्छ। ती सच्याइनु पर्छ।'
उनले संसदमा नेपालको हित नहुने र नेपाललाई फाइदा नहुने कुनैपनि सन्धि सम्झौता नगरिने प्रतिबद्धता जनाए।
प्रधानमन्त्री ओलीले संसदमा बोल्दै भारत भ्रमण अघि नै सीमाङ्कन समस्या टुङ्ग्याउन गठन गरिने राजनीतिक समिति बनाउने बताए। उक्त समितिले तीन महिना भित्र सीमाङ्कनमा हेरफेर गरी वर्तमान असन्तुष्टी हटाउने सहमति भइसकेको उनले बताए।
प्रधानमन्त्री ओली आउने फागुन ७ गते भारत भ्रमणमा जाँदैछन्।
