संयुक्त लोकतान्त्रिक मधेसी मोर्चा पर्साले इन्धन र ग्यास आपुर्ति सहज गर्न मागं गरेको छ । मोर्चाले पर्साका प्रमुख जिल्ला अधिकारीलाई ज्ञापनपत्र बुझाउदै इन्धन र ग्यासमा बढेको कालोवाजारीलाइ रोक्न माग गरेको छ।
मुलुकमा मधेसी र उत्पीडित जनजातिसँग गरिएको विभेदको विरोधमा लगभग ६ महिनादेखि आन्दोनल भइरहे पनि राज्यको नीतिमा कुनै परिवर्तन नभएको वर्तमान अवस्थाले प्रमाणित गरेको मोर्चाको आरोप छ। नाकाबन्दी खुलेको एकहप्ता भएपनि तराईका जनताले सहज रुपमा ग्यास र इन्धन नपाएकोमा आफुहरुको घोरविरोध भएको मोर्चामा रहेका चारै दलका स्थानीय नेताहरुले संयुक्त रुपमा दिएको ज्ञापन पत्रमा उल्लेख रहेको छ।
संघीय समाजवादी फोरम नेपालका पर्सा जिल्ला अध्यक्ष प्रदिप यादव, तमलोपाका पर्सा अध्यक्ष पुरुषोत्मलाल झा, सदभनाका पर्सा अध्यक्ष इमदाद गदी र तराइ मधेस सदभावना पार्टी प्रेमचन्द्र कुशवाहाले दिएको प्रेस विज्ञप्तीमा वीरगन्ज नाकाबाट ग्यास र इन्धन निर्वाधरुपमा भित्रिए पनि मधेसी जनताले पाउनु पर्ने इन्धन तथा ग्यास काठमाडौं गइरेहेकोले त्यसलाई अबिलम्ब रोकी मधेसको जनताको जनजिवन सहज बनाउन मांगं गरिएको छ। मधेसीले ग्यास र इन्धन सहजरुपमा नपाए आफुहरु पुन नाकाबन्दी गर्ने मोर्चाले दिएको ज्ञापन पत्रबाट उल्लेख समेत गरिएको छ।
