आसन्न भारत भ्रमणको विषयमा छलफल गन प्रधानमन्त्री केपी शर्माको शुक्रबार राजनीतिक दलहरूसँग परामर्श गर्ने भएका छन्।
फागुन ७ गतेदेखि शुरु हुने प्रधानमन्त्री ओलीको भारत भ्रमणका विषयमा ओलीले भोली बिहान ९ बजे बालुवाटारमा प्रमुख तीन एमाले, एमाओवादी र प्रमुख प्रतिपक्षी दल नेपाली कांग्रेसका नेताहरूसँग बैठक गर्ने तयारी गरेका छन्।
त्यसपछि शुक्रबार अपरान्ह ४ बजे संसदमा रहेका सबै राजनीतिक दलका नेताहरूसँग सर्वदलीय बैठक गरी आफ्नो भारत भ्रमणको विषयमा परामर्श गर्ने छन्।
प्रधानमन्त्री पदमा पदबहाली भएलगत्तै भारत भ्रमणको निम्तो पाएका ओलीले संविधान जारी भएको अवस्थामा मधेसमा जारी आन्दोलन र त्यसको समर्थनमा भारतीय पक्षबाट भएको अघोषीत नाकाबन्दी नखुलेसम्म नजाने बताउदै आएका थिए।
पछिल्लो समयमा भारतीय नाकाबन्दी खुलेपछि ओलीको भ्रमणको पूर्वतयारीका लागि अर्थमन्त्री एव्ं एमाले उपमहासचिव विष्णु पौडेललाई भारत पठाएका छन्।
