संघीय समाजवादी फोरम नेपालका अध्यक्ष उपेन्द्र यादवले मधेस ,पहाड र हिमालबाट भीषण आन्दोलनको तयारी भइरहेको बताएका छन्। बुधबार पार्टीले बाराको देवापुरमा आयोजना गरेको पार्टी प्रवेश कार्यक्रमा नेता यादवले यस्तो बताएका हुन्।
उनले दुई सय वर्षदेखि शोषित रहेका मधेसी तथा पहाड र हिमालका जनजातीले अधिकार नपाउनजेलसम्म आफूहरूको आन्दोलन चलिरहने बताए। नेता यादवले भने,‘आन्दोलन तुहियो भनेर शासकहरू रमाइरहेका छन्, तर आउने समयमा मधेसमा मात्र होइन पहाडबाट पनि आन्दोनलको आँधी आउदै छ’ आन्दोलन समाप्त नभएको उल्लेख उनले स्वरुप मात्र परिवर्तन भएको बताए।
मधेस आन्दोलनले शासकहरुको हल्लाइ सकेको भन्दै यादवले अब ढल्न मात्र बाँकि रहेको बताए। उनले मधेसमा मधेसी र केन्द्रीय शासनमा पनि आँधीको हिस्सेदारीको लागि आफूहरुको आन्दोनल जारी रहेको बताए। कार्यक्रममा सहअध्यक्ष राजेन्द्र श्रेष्ठ, उपाधयक्ष लालबाबु राउत गदी, केन्द्रीय सदस्य करिमा बेगम, प्रमोद गुप्ता, राजकिशोर यादव, रामबाबु यादव ,बिरेन्द्र यादव ,बच्चा यादव ,बबन सिंह राजकिशोर यादव बालकिसोर यादव बाराका जिल्ला अधयक्ष रामबाबु यादव र पर्साका अध्यक्ष प्रदीप यादव लगायतका नेताहरूले पार्टी प्रवेश गरकाहरुलाई स्वागत गर्दै आन्दोलनलाइ अझ शसक्त बनाइने कुरामा जोड दिएका थिए।
