प्रधानमन्त्री केपी शर्मा ओलीले ६ जना राज्यमन्त्रीलाई सपथ ग्रहण गराउने भएका छन् ।
प्रधानमन्त्री ओलीले शुक्रवार यसअघि नै नियुक्त भएका एमालेका ६ जना राज्यमन्त्रीहरुलाई सपथ खुवाउन लागेका प्रधानमन्त्रीको निजी सचिवालयले जनाएको छ । अघिल्लो बिहीवार मन्त्रिमण्डल विस्तार गर्दा नै राज्यमन्त्री भएकाहरुलाई झण्डै एक साता पछि शुक्रवार प्रधानमन्त्री ओलीले पद तथा गोपनियताको सपथ ग्रहण गराउन लागेका हुन् ।
प्रधानमन्त्री एवम् एमाले अध्यक्ष समेत रहेका ओलीले आफ्नजो पार्टीबाट मन्जु चौधरी, दीनारायण साह, नरदेवी पुन, बलबहादुर महत, दिनेशचन्द्र यादव र दामोदर भण्डारीलाई एक साता अघि गएको बिहीवार राज्यमन्त्रीमा नियुक्त गरेका थिए ।
स्रोतका अनुसार नियुक्त भएका राज्यमन्त्रीलाई कुन मन्त्रालयको जिम्मेवारी दिने भन्ने विषयमा अन्यौलता हुँदा सपथ ग्रहण गराउन ढिलाई भएको हो ।
