पहिलो सेमिफाइनलमा माल्दिभ्सलाई ३-२ले हराउँदै भारत साफ च्याम्पियनसीपको फाइनलमा प्रवेश गरेको छ।
भारतको केरलास्थित त्रिबन्दरम् रङ्गशालामा भएको खेलमा भारतका जेजेले २ तथा कप्तान सुनिल क्षेत्रीले एक गोल गरे। मालदिभ्सका लागि अहमेद नासिद र अम्दान अलिले १-१गोल गरे।
समूह चरणमा भारतले नेपाल र श्रीलङ्कालाई हराएको थियो भने माल्दिभ्सले भुटान र बङ्ग्लादेशलाई समान ३-१ले हराएको थियो भने अफगानिस्तानसँग ४-१ले पराजित भएको थियो।
भारत र श्रीलङ्का दुवैसँग पराजय भोगेको नेपाल भने समूहचरणबाटै बाहिरिएको छ।
भारतले फाइनलमा अफगानिस्तान र श्रीलङ्काबीचको बिजेतासँग प्रतिस्पर्धा गर्ने छ। अफगािनस्तान र श्रीलङ्काबीचको दोस्रो सेमिफाइनल केहीबेरमा हुँदै छ।
