अख्तियार दुरुपयोग अनुसन्धान आयोगले यातायात व्यवस्था कार्यालयका प्राविधिक निर्देशक उपसचिव नविनकुमार पोखरेललाई घुस लिँदालिदै पक्राउ गरेको छ।विद्युतीय सवारीको नविकरण शुल्कमा घुस लिँदै गरेको अवस्थामा अख्तियारको टोलीले पोखरेललाई पक्राउ गरेको आयोग प्रवक्ता कृष्णहरि पुष्करले सेतोपाटीलाई जानकारी दिए।
सेवाग्राहीको गुनासो बढेपछि आयोगले बिहिबार कार्यालयमा छड्के अनुगमन गरेको थियो। पोखरेलले अभोन साइकल लिमिटेडको ईलेक्ट्रिक स्कुटर ल्याउन नेपालगन्ज भन्सार कार्यालयले यातायात व्यवस्था बिभागको सिफारिस माग गरेकोमा उक्त सिफारिस बनाउन प्रति स्कुटर ५ हजारका दरले ३६ वटा स्कुटरको सिफारिस बापत एक लाख असी हजार घुस रकम लिईसकेको अवस्थामा यातायात व्यवस्था बिभाग नयाँबानेश्वरबाट नियन्त्रणमा लिएर थप अनुसन्धान भइरहेको आयोगले जनाएको छ।