राष्ट्रिय मधेश समाजवादी पार्टीका अध्यक्ष शरदसिंह भण्डारी, नेपाल सद्भावना पार्टीका अध्यक्ष अनिल झा, तराई मधेश राष्ट्रिय अभियानका संयोजक जयप्रकाश गुप्ता र मधेशी जनाधिकार फोरम गणतान्त्रिकका अध्यक्ष राजकिशशोर यादवले संयुक्त पत्रकार सममेलनमार्फत ९ बुँदे आधारभुत मांग अघि सार्दै दुइ प्रदेश आफूहरुको बटमलाइन भएको जनाएका छन्।
उनीहरुले आफुहरुको अवधारणामा मधेस आन्दोलनको भएको भन्दै यसभन्दा कममा संयुक्त लोकतान्त्रिक मधेसी मोर्चाले सहमति र सम्झौता गरे मधेसले नमान्ने चेतावनी समेत दिएका छन्। संघीय समावेशी मधेसी गठबन्धनले बीरगन्जमा आयोजना गरेको पत्रकार सम्मेलनमा मधेस भुभागलाई ६ भागमा बिखण्डित गरिएको संघीय संरचना सच्याउनु पर्ने, तराई मधेशमा दुई वटा प्रदेश एकआपसमा सिमाना जोडिने गरी र चुरे तथा भित्री मधेश समेटिने गरी बनाउनु पर्ने, जनसंख्याको आधारमा प्रतिनिधित्वको समुचित ब्यवस्था गरिनु पर्ने लगायतको मागं गठबन्धनले अघि सरेको नेताहरुले बताए।
साथै सबै खालका सरकारी निकाय र सेवाहरुमा समावेशीकरणको सिद्धान्त अनुरुप नियुक्ति प्रक्रिया अवलम्बन गर्नु पर्ने, नागरिक्ताको ब्यवस्था अन्तरिम संबिधान २०६३ अनुसार हुनु पर्ने लगायतको मागंहरु गठबन्धनको रहेको राष्टिय मधेस समाजबादी पार्टीकाका अध्यक्ष शरदसिहं भण्डारीले बताए।
मधेस आन्दालनेको १०७ दिन भएपनि सरकारको क्रियाकलापले मलुकलाइ अझ जटिलता तर्फ लगीरहेको चिन्ताव्यक्त गर्दै नेता भन्डारीले भने,‘आन्दोलनलाइ विखन्डनकारी बनाउने कार्यमा सरकार लागेको छ,जसले गर्दा यो सरकार एउटा समुहको भएको प्रमाणित भएको छ’ ।चुरेभावरको नाममा सत्ताधारी दलले केहि भिजीलान्ते प्रयोग गरेर मधेसमा सम्प्रदायीकता फैलाउने कार्यमा लागेको नेता भन्डारीको आरोप रहेको थियो।
पत्रकार सम्मेलनमा तराइ मधेस राष्टिय अभियानको अध्यक्ष जयप्रकाश गुप्ताले सिके राउतसगं आफनो कुनै सहकार्य नभएको जनाएका थिए। उनले गृहमन्त्रालयको हवलादिदै सिके राउतसगंको सहकार्यमा विखन्डनमा लागेको समाचार प्रति आपती जनाउदै नेता गुप्ताले भने,‘म विखन्ड र शस्त्रआन्दोलनको घोर बिरोधी हु, सिके राउतको विचारसँग मेरो विचार कहिले पनि मिल्न सक्दैन,उनको अभियानले त मधेस आन्दोलनलाइ झन कमजोर बनाएको छ’ उनले भने।
पत्रकार सम्मेलनमा नेपाल सदभावना पार्टीका केन्द्रिय अध्यक्ष अनिल झा र मधेसी जनअधिकार फोरम गन्तान्त्रिकका अध्यक्ष राजकिशोर यादवले मधेसी दलहरु एक भएर साझा अवधारणा अनुसार आन्दोलन गर्नुपर्ने दवाव अनुसार आफुहरुले साझा गठबन्धन बनाएको बताएका थिए।