तस्बिर: क्रिकइन्फो।
भारतले दिएको झिनो चुनौति पन्छाउन नसकेपछि तेस्रो टेष्टमा दक्षिण अफ्रिका १२४ रनले पराजित भएको छ।
नागपुरमा शुक्रबार सकिएको टेष्टमा दक्षिण अफ्रिकाले गतिलो प्रदर्शन गर्न सकेन र आफ्नो अन्तिम पालोमा १८५ रनमा अलआउट भयो।
८५ ओभर ५ बलमा अल आउट भएको दक्षिण अफ्रिकाका हसिम अम्ला र फाप डु प्लेसिसले ३९-३९ रन बनाउनु बाहेक अरु खेलाडिले धेरै रन बनाउन सकेनन्।
जेपी डुमिनीले १९, डिन इल्गारले १८ र डेन भिलासले १२ रन जोडे भने अरु खेलाडीले दोहोरो अंक बनाउन सकेनन्। आक्रामक ब्याट्सम्यान एबी डि भिलियर्स ९ रनमै पबेलियन फर्किए।
भारतका रविचन्द्रन आश्विनले ७ विकेट लिए भने बाँकि ३ विकेट अमित मिश्रको नाममा रहयो।
पहिलो पालीमा पनि दक्षिण अफ्रिका ७९ रनमा अलआउट भएको थियो।
भारतले भने पहिलो पालीमा २१५ र दोस्रो पालीमा १७३ रन बनाएको थियो।
आजको जितसँगै भारतले श्रृङ्खलाको उपधी हात पारेको छ। पहिलो टेष्ट मोहालीमा १०८ रनले भारतले जितेको थियो । बेङ्लोरमा भएको दोस्रो टेस्ट भने बराबरी भएको थियो।
अन्तिम दिल्लीमा टेष्ट आउने बिहीबार सुरु हुने छ।
