संघीय समाजवादी फोरम नेपालले इटहरीको सभा सरकारले नियोजित रुपमा विथोलेको आरोप लगाएको छ।
अध्यक्ष उपेन्द्र यादवले शुक्रबार एक विज्ञप्ति प्रकाशित गरी फोरम लगायत ९ राजनीतिक दल आबद्ध संघीय गठबन्धनले शुक्रबार इटहरीमा शान्तिपूर्ण जनसभा आयोजना गर्ने तयारी भइरहेको अवस्थामा सरकारले नियोजित रुपमा एमाले कार्यकर्ता तथा विद्यार्थीहरुलाई प्रयोग गरी मञ्च तोडफोड तथा आगजनी गर्न लगाएको आरोप लगाएका छन्।
उनले विज्ञप्तिमा एमाले नेतृत्वको सरकारले भिजिलान्ते प्रयोग गरी मञ्च तोडफोड तथा आगजनी गराउनुले सरकारको गैर लोकतान्त्रिक, तानाशाही र गैरजिम्मेवार चरित्र उदाङ्गो भएको उल्लेख गरेका छन्।
इटहरी घटनाले सरकारले वार्ता मार्फत् मुलुकलाई निकास दिनुको सट्टा मुलुकलाई थप संकट तर्फ धकेल्न लागिपरेको बताउँदै सरकार आफैले सामाजिक सद्भाव बिगारेर सम्प्रदायिक दङ्गा भड्काउन खोजेको तर्क गरेका छन्।
पढ्नुहोस् फोरम, नेपालको विज्ञप्ति:
.jpg)
