चीन सरकारले मंसिर २५ गतेदेखि नेपालबाट आफ्नो देशमा निर्यात हुने सामान मध्ये ९७ प्रतिशत सामानमा शून्य शूल्क लगाउने भएको छ। चीनको राष्ट्रिय दैनिक पत्रिका पिपुल्स डेलीका अनुसार चीनले नेपालबाट आफ्नो मुलुकमा भित्रिने ९७ प्रतिशत बस्तुहरुमा शून्य भन्सार लाग्ने समाचार प्रकाशन भएको हो।
चिनियाँ मन्त्रिपरिषद् अन्तर्गतको कस्टम्स ट्यारिफ कमिसनले डिसेम्बर ७ बाट लागू हुने गरी त्यस्तो ब्यबस्था गर्न लागेको समाचारमा जनाइएको छ ।
यसअघि नेपाल सरकारले चीनलाई पटक पटक शून्य भन्सारको ब्यबस्था मिलाइदिन आग्रह गर्दै आएको थियो। नेपालको अनुरोधमा चिनियाँ पक्ष लिखित रूपमा सहमत गरेता पनि व्यवारिक रूपमा लागू गरेको थिएन।
यो निर्णय सँगसँगै अब नेपालबाट उत्तरी छिमेकी मुलुक चीनतर्फ निर्यात हुने ९७ प्रतिशत नेपाली बस्तुहरुमा भन्सार नलाग्ने भएको छ। अब नेपाली समान चीनमा सस्तो हुने र नेपाललाई फाइदा हुनेछ। नेपाली समान सस्तो भएसँगै चीनमा नेपाली सामानको माग बढने छ।
साथै चीन सँग नेपाल सरकारको रहेको व्यापार घाटा पनि कम हुने अपेक्षा गरिएको छ। नेपालसँगै दक्षिण अफ्रिकाका ७ मुलुकहरु कोमोरोस, मौरिटानिया, टोगो, लाइबेरिया, रुवान्डा, अंगोला र जाम्बियाबाट चीनमा निर्यात हुने ९७ प्रतिशत बस्तुहरुमा समेत चीनले सोही मितिबाट लागू हुने गरी शून्य भन्सारको घोषणा गरेको पिपुल्स डेलीले जनाएको छ।
