नेकपा एमालेका नेता माधव कुमार नेपालले काठमाडौं–निजगढ ‘फास्ट ट्रयाक‘ को ठेक्का विदेशी कम्पनीलाई दिए गम्भीर दुष्परिणाम आउने बताएका छन्। सोमबार बालुवाटारमा बसेको १८ दलको सर्वदलीय बैठकमा नेता नेपालले ‘फास्ट ट्रयाक‘को ठेक्का भारतीय कम्पनीलाई दिन लागेको समाचार आएकाले त्यसो गर्न लागेको हो भने त्यसले गम्भीर दुष्परिणाम निम्तिने बताएको बैठकमा सहभागी एक नेताले जानकारी दिए।
भौतिक योजना मन्त्रालयले सो ‘फास्ट ट्रयाक‘ को डिपिआर गर्न भारतीय कम्पनी आइएल एण्ड एफएसलाई दिएको थियो। सोही कम्पनीलाई ‘फास्ट ट्रयाक‘ को ठेक्का दिने तयारी गरिरहेको छ। मन्त्रालयको प्रस्ताव मन्त्रीपरिषद् मा पुगिसके पनि ठेक्का कसलाई दिने भन्नेबारे निर्णय भइसकेको छैन।