भारतीय प्रधानमन्त्री नरेन्द्र मोदीले प्रत्यक्ष प्रश्नोत्तरमा नेपालबारे केही कुरा गरेनन्। आइतबार फेसबुकको मुख्यालय हेडक्वार्टरमा गएर संस्थापाक मार्क जुकरबर्गसित लाइभ प्रश्नोत्तरमा सहभागी भएका मोदीले झन्डै ५० मिनेट प्रश्नोत्तरमा सहभागी भएका थिए।
फेसबुकका संस्थापक जुकरबर्गले मोदीलाई प्रश्न सोध्न आफ्नो फेसबुक पेजमा सार्वजनिक आह्वान गरेका थिए जसअनुसार ६० हजारभन्दा बढी प्रश्न सोधिएका थिए। तर उनले प्रत्यक्ष कुराकानीमा फेसबुकमा आएका कुनै प्रश्न राखेनन्।
नेपालमा भारतले गरेको नाकाबन्दीपछि आक्रोशित भएका संसारभरका नेपाली यसको जवाफ दिन मोदीलाई प्रश्न गरेका थिए। तर फेसबुकमा आएका कुनै प्रश्न नराखेपछि उनले जवाफ दिएनन्।
अनलाइनबाट सोधिएका प्रश्न इन्टर्याक्सन बढी देखाउनका लागि मात्रै भयो।
प्रश्नोत्तरका क्रममा मोदीले एक पटक पनि नेपालको नाम लिएका थिएनन्। कुटनीतिसम्बन्धी सोधिएको प्रश्नको जवाफमा पनि उनले नेपालको नाम लिएका थिएनन् बरू चीन र इजरायलको नाम लिएका थिए।
यो पनि हेर्नुहोस्
