नेपालमा संविधान जारी भएपछि भारतले अघोषित नाकाबन्दी गरेर अन्तर्राष्ट्रिय कुटनीतिक मान्यता विपरितको काम गरेको काँग्रेसले आरोप लगाएको छ।
नयाँ संविधानमा क कसले के पाए भन्ने विषयमा पार्टी प्रशिक्षण विभागले पार्टीका सभासद तथा जिल्ला स्तरीय नेताहरूलाई दिएको एकदिने प्रशिक्षण कार्यक्रममा नेताहरूले भारतको पछिल्लो रवैयाले भारतलाई नै नोक्सानी भएको दाबी पनि गरेका छन्।
कार्यक्रममा बोल्दै कांग्रेस नेता एवम् अर्थमन्त्री रामशरण महतले भूकम्पपछि नेपाललाई आर्थिक संकटमा धकेल्ने प्रयास स्वरूप अहिले भारतीय सरकारले भर्चुअल नाकाबन्दी लगाउनु दुःखदायी घटना भएको दाबी गरे।
विद्यमान राजनीतिक परिस्थितीमा शक्ति सन्तुलनमा नेपालले जुन संविधान बनाउन सफल भएको छ त्यो उपयुक्त संविधान भएको उल्लेख गर्दै महतले यसको सफल कार्यान्वयनका लागि मुलुकको आर्थिक स्थिति सुद्धृण हुनुपर्ने बताए।
‘तर भारतीय सरकारले अनेक बहानामा अघोषित नाकाबन्दी लगाएर अहिले दैनिक २५ सय कन्टेनर र ट्रक दैनिक नेपाल भित्रने गरेकोमा गत दुई दिनमा मेचीबाट चार पाँचवटा र भैरहवाबाट हिजो २ वटा ट्क आउन दिएको छ,' उनले भने।
सीमा नाकामा भारतीय सीमा सुरक्षा बलले अबरोध गरेकोले अहिले समान ढुवानीमा समस्या आएको उल्लेख गर्दै उनले भने, ‘गरिब मुलुकलाई भर्चूअल नाकाबन्दी लगाउँदा उद्योग कलकारखाना बन्द भएर नेपाली पूँजी पलायनको अवस्था आएको छ।'
उनले यो कार्य नेपाललाई गरिबीको दूस्चक्रमा फसाउने कार्य भएको भन्दै सबै समस्याको समाधान निकाल्ने सावृभोमसत्ता सम्पन्न संसद भएको बताए।
भारतीय सरकारले नेपालमा मालसामान ढुवानीकर्ताको सुरक्षाबारे उठाएको चासोको जवाफमा भने, ‘भारतले बोर्डर पार गराउनु पर्छ नेपालमा सुरक्षा दिने दायित्व नेपालको हो।'
वरिष्ठ नेता शेरबहादुर देउवाले भारतीय सरकारले लगाएको अघोषित नाकाबन्दीका कारण प्रधानमन्त्री नरेन्द्र मोदीको नेपाल भ्रमणपछि भारतप्रति नेपालमा बदलिएको सकारात्मक धारणामा असर परेको बताए।
मधेस आन्दोलनका नाममा दशगजामा केही मानिसहरले अबरोध गरेका कारण सुरक्षाको कारण देखाउँदै आर्पूति रोक लगाउने होइन,' देउवाले भने, ‘यसले भारतलाई नै नोक्सानी गर्छ, त्यसैले भारतले विनारोकटोक मालबहाक गाडीहरू नेपाल पठाउनु पर्छ उनीहरूको सुरक्षा दिन नेपाल सरकार सक्षम र तयार छ।
उनले नेपालको सविधान सझौताको दस्तावेज भएपनि दक्षिण एशियामा नै उत्कृष्ट भएको दाबी गदै यसमा कुने कमि कमजोरी भए आफूहरू सच्याउन तयार रहेको भन्दे आन्दोलनरत पक्षले तुरन्त आन्दोलन रोकी वार्तामा आउन पनि आग्रह गरे। त्यसैगरी उनले अहिलेको समस्या नेपालीको भएको उल्लेख गर्दै नेपाल आफ्नो आन्तरिक समस्या आफैले समाधान गर्न सक्षम रहेको पनि दाबी गरे।
कार्यक्रममा उपसभापति रामचन्द्र पौडेलले भारतीय रवैयाप्रति लक्षित गर्दै प्रश्न गरे, ‘के नेपालले संविधान बनाउनु अपराध हो?’
उनले असोज ३ गते संविधान जारी नभएको भए नेपालमा संविधानसभाबाट संविधान नै नआउने स्थिति भएको कुरा बुझेर नै आफूहरूले संविधान जारी गरको दाबी गरे।
नेपालको संविधान दक्षिण एशियाकै उत्कृष्ट संविधान भएको दाबी गर्दै पोडेलले भने, ‘संविधानका कुनै कुराको संशोधन गर्न आवश्यक भए आफूहरू तयार रहेका अवस्थामा पनि देशलाई नाकाबन्दीमा पारेर मुलुक र लोकतन्त्र असफल बनाउने षडयन्त्र भइरहेकोमा सबै सचेत हुनु पर्छ।’
महामन्त्री कृष्ण सिटौलाले भारतको संविधान जारी भएयता एकसय २२ पटक संशोधन भइसकेको उल्लेख गर्दै कुनै विषयमा समस्या भए समयको माग अनुसार संशोधन हुदै जाने बताए।
संघीयता नेपालका लागि नयाँ विषय भएको उल्लेख गर्दै सिटौलाले अबको २ वर्षमा संघीयता लगायतका विषयहरू कार्यान्वयन गर्न नसकेमा मुलुक केन्द्रीकृत शासन पद्धतिमा ने रहिरहने स्थिति उत्पन्न हुनसक्ने खतरा रहेको पनि पनि सबे सचेत हुनुपर्ने बताए।
संविधानको सफल कार्यान्वयनका लागि कांग्रेसले ने जिम्मेवारीपूर्ण र नेतृत्वदायी भूमिका निर्वाह गर्नुपर्ने धारणा राख्दे उनले संविधानका विषयमा जनतामा फैलाइएको भ्रम चिर्न सबै दलले राष्ट्रव्यापी अभियान चलाउनु पर्ने बताए।
