काठमाडौंको पुरानो बसपार्कमा बन्दकर्ताहरुले यात्रु बसमा आगजनी गरेका छन्। काठमाडौं-दक्षिणकाली रूटमा चढ्ने बा ३ ख २९०९ नम्बरको बसलाई बन्दको अवज्ञा गरेको भन्दै दक्षिणकालीबाट यात्रु लिएर आएको बस रत्नपार्क पुगे लगत्तै बन्दकर्ताले आगजनी गरेका हुन्।
बसबाट यात्रुहरु निस्किसकेपछि आगो लगाइएको थियो। आगजनीबाट बसमा पूर्ण रुपमा क्षति पुगेको छ । आगो दमकलको सहयोगमा नियन्त्रणमा लिइएको थियो।