महोत्तरीको जलेश्वरमा आन्दोलनकारीसँगको झडपमा घाइते भएका सशस्त्र प्रहरीका असइ थमनबहादुर विकको उपचार लागि लैजादै गर्दा बाटोमै हत्या भएको छ ।
जलेश्वरमा आज बिहान प्रदर्शनकारीको कुटाइबाट घाइते भएका विकको थप उपचारको लागि जनकपुर अस्पताल लैजाँदै गर्दा बाटोमा एम्बुलेन्सबाट थुतेर हत्या गरिएको महोत्तरीका िडएसपी विनोद िसलवालले जानकारी दिए।
सशस्त्र प्रहरी उपरीक्षक धीरेन्द्र पाण्डेले राससलाई बताए अनुसार आन्दोलनकारीको कुटपिटबाट गम्भीर घाइते विकलाई थप उपचारका लागि गाउँको बाटो हुँदै अञ्चल अस्पताल जनकपुर लैजाँदै गर्दा महोत्तरी गाविस– ८ सनोखराको वनको बाटोमा स्थानीयवासीले एम्बुलेन्स रोके, उनलाई बाहिर निकाले र लाठी प्रहार गरी हत्या गरे।
जलेश्वर अस्पतालबाट जनकपुर अस्पतालमा लैजाँदै गर्दा जनकपुर-जलेश्वर सडकखण्डको सनोखोरा वनमा केही व्यक्ति एम्बुलेन्स नियन्त्रणमा लिई आगो लगाएका थिए। बिकको शव नजिकैको धान खेतमा फेला परेको पनि सिलवालले बताए।
एम्बुलेन्स चालक र कुरूवा गएका एकजना सम्पर्कबिहीन छन्। असईको हत्यापछि घटनास्थलमा नेपाल प्रहरी र सशस्त्र प्रहरीका प्रहरी उपरीक्षकहरुको नेतृत्वमा ठूला सङ्ख्यामा प्रहरी पुगेका छन् । उनको शव जलेश्वर ल्याउने तयारी भइरहेको जनाइएको छ।
