आन्दोलनकारीको ढुंगा प्रहारबाट आफन्तको मृत्यु भएको भन्दै मृतकका आफन्तहरुले ढुंगा प्रहार गर्ने आन्दोलनकारीमाथि कारबाहीको माग गर्दै कोहलपुर क्षेत्रमा प्रर्दशन गरेका छन्।
आज बिहानैदेखि उनीहरुले दोषिमाथि कडा कारबाहीको माग गर्दै प्रर्दशन गरेका हुन्।
कोहलपुरबाट निस्किएको जुलुश हिजो प्रर्दशनकारीहरुले मोटरसाइकलमा सवार करण सिहलाई ढुंगा हानेको क्षेत्र तर्फ आइरहेको छ।
हातमा नेपालको झन्डा बोकेका प्रर्दशनकारीहरुले दोषिमाथि कारबाही नहुदासम्म मृतक सिंहको शब नबुझने चेताबनी दिएका छन।
मृतकका आफन्तहरुको जुलुशलाई नेपालगन्जको निशेषिधत क्षेत्रमा प्रबेश गनए नदिन नेपालगन्ज कोहलपुर सडक खन्डको गनापुर क्षेत्रमा ठूलो संख्यामा सुरक्षाकर्मीहरुलाई तैनाथ गरिएको छ।
हिजो दिउँसो ३ बजे तिर नेपालगन्जबाट कोहलपुर जादै गरेको भे ५ प ४२५० नम्बरको मोटरसाइकलमा सवार २२ वर्षीय करण सिंहको आन्दोलनकारीको ढुंगा प्रहारबाट मृत्यु भएको थियो।
आन्दोलनकारीले प्रहार गरेको ढुंगा मोटरसाइकलमा सबार सिहको छातिमा लागेको थियो। घाईते सिहलाई उनलाई उपचारका लागि शिक्षण अस्पताल कोहलपुर लैजादै गरेको अवस्थामा मृत्यु भएको हो।
आन्दोलनकारीको नाममा यात्रु माथि ढुंगा प्रहार गर्ने उपर कारबाहीका माग गर्दै मृतकका आफन्तहरुले हिजो साझ इलाका प्रहरी कार्यालय कोहलपुर घेराउ गरेका थिए।
मोटरसाइकल यात्रुको ज्यान जाने गरी ढुंगा प्रहार गरेको घटना संलग्न रहेको आशंकामा बाके प्रहरीले २५ जनालाई नियन्त्ररणमा लिएको छ।
पक्राउ परेकाहरु माथि छानबिन गरी दोषी माथि कानुन बमोजिम हदै सम्मको कारबाही गरिने प्रहरी उपरीक्षक बसन्त पन्तले बताए।
