राप्रपा नेपालले चिकित्सा क्षेत्रमा भएको भ्रष्टाचार र अनियमितताबारे सदनमा व्यापक छलफल गर्न बैठकको अरु कार्यक्रम स्थगन गर्न माग गरेको प्रस्तावलाई सदनमा बहुमतले अस्वीकृत गरेको छ।
मंगलबारको संसद बैठकमा सभामुखले अत्यन्त जरुरी सार्वजनिक महत्वको प्रस्ताव सदनमा निर्णयार्थ पेश गरेपनि बुहमतले प्रस्तावको विपक्षमा अस्विकृत गरेका हुन्।
त्यसपछि सभामुखले नियमित कार्यसूचिमा प्रवेश गर्न लागेपछि कमल थापाले विरोध गर्दै एउटा लोकप्रिय पत्रिकाले पूर्वप्रधानन्यायाधीदेखि मेडिकल काउन्शिल र दलका नेतालाई यति पैसा दिए भनि दिएको सावीती बयानमा सिंगो सदनले सहयोग नगरेकोमा आक्रोश व्यक्त गरे।
‘प्रस्ताव तयार पार्ने कुरामा प्राविधिक त्रुटि भयो होला’, थापाले भने, ‘हामीले स्थगन गर्ने भनि संसद गतिविधि अबरोध गर्न खोजेको होइन। हामीले नियमावली अनुसार स्थगन प्रस्ताव छलफलका लागि पेश गरेको थियौं। तर दुखका साथ भन्नु पर्छ यति सम्बेदनशिल विषयमा चाडो छलफल गर्न सकिएला भनि ल्याएको प्रस्तावलाई अनेक बहानामा आरोप लगाएर विफल बनाइयो।’
आम जनताको यो सदन र व्यवस्थाप्रति अविश्वास आएको छ। यसकारण आजको छलफलमा भाग लिन गलत निर्णयका कारण सहभागी हुन नसक्ने भन्दै भोलिदेखि सदनमा छिमेकीहरुले सिकाए अनुसार कडा रुपमा प्रस्तुत हुने भन्दै
राप्रपा नेपालका सभासदले बैठक बहिष्कार गरेका छन्।
त्यसपछि सभामुखले विधि प्रक्रिया अनुसार निर्णय भएको कुरामा अस्वीकार गरी बहिष्कार गर्न नहुने सुझाव दिएका थिए।
