थरुहट तराइ पार्टीका सभासद गोपाल दहितले कैलालीमा अहिले कतिपय गाउँमा पुरुषहरू घरमा नभएको अवस्थामा राति सुरक्षाकर्मीले महिलामाथि दुर्व्यव्यबहार गरेको भन्दै त्यसको तत्काल रोक्न माग गरेका छन्।
मंगलबार संसदमा बोल्दै दहितले विगतमा भएका सहमति विपरित केही नेताहरुले आफ्नो निर्वाचन क्षेत्र सुरक्षित गर्न गरेको सीमांकनका कारण तराई मधेस र थारुहरु आन्दोलित भएको बताए।
‘उनीहरुले गरेको राजनीतिक मागलाई सम्बोधन गर्नुको सट्टा कर्फ्यु र दमन गर्ने काम भएको छ। यो कार्य रोकिएन भने अकल्पनिय घटना मुलुकमा घट्ने छ। तसर्थ राजनीतिक समस्या राजनीतिक रुपमा नै गर्न माग गर्छु।’
