लिम्बुवानको २ दिने बन्दले पूर्वी नेपालको जनजीवन प्रभावित भएको छ। बन्दले बजार, यातायात, कलकारखाना, स्कुल, संघसंस्थ ठप्प छन्।
सरकारी कार्यालय खुलेपनि सेवाग्राही आएका छैनन्। मोरङको उर्लाबारी, पथरी, बेलबारी, गछिया, इटहरीमा लिम्बुवान कार्यकर्ताले यातायात ठप्प पारेका छन्। मोटर साईकल, साइकल र सिटी सफारीलाई ठाउँ ठाउँमा डोर्याउन लगाएका छन्।
एम्बुलेन्स, प्रेसका सवारीलाई पनि चेक गरेर मात्र पठाउँने गरेका छन्। बेलबारी र बिराटचोक बजार भने खुल्ला छन्। हिजो र आज पनि कुनै अप्रिय घटना भएका छैनन्। बन्द गराउने कार्यकर्तामा स्कुले बालबालिकालाई प्रयोग गरेको देखिन्छ।
