सोमबारको हिंसापछि असान्त रहेको कैलाली अझै शान्त भएको छैन। आज पनि कैलालीको टीकापुर र धनगढीमा कर्फ्यू लागेको छ। जिल्ला प्रशासन कार्यालय कैलालीले धनगढीमा अहिले बिहान ११ बजेदेखि लागू हुने गरी साँझ ५ बजेसम्म कर्फ्यू आदेश जारी गरेको हो।
धनगढीको पूर्वमा उर्मा गाविसको सीमानादेखि पश्चिममा कञ्चनपुर, उत्तरमा अत्तरिया नगरपालिकाको सीमाना तथा दक्षिणमा मोहना नदी सीमासम्म कर्फ्यू आदेश जारी गरेको प्रशासनले जनाएको छ ।
यस्तै टीकापुरलाई दंगाग्रस्त क्षेत्र घोषणा गर्दै स्थितिलाई नियन्त्रणमा लिन सेना परिचालन गरिएको छ ।
