लोकमानको पक्षमा ओर्लिए दाहाल

skoda
  • Get News Alerts

united
दाहालले सर्वोच्चलाई भने– शंका र समाचारको भरमा लोकमानलाई अख्तियार प्रमुख बनाउन हुन्न भन्नु नै गलत
tata
काठमाडौं, वैशाख ९- माओवादी अध्यक्ष पुष्पकमल दाहालले ‘पूर्वअनुमान, शंका र समाचारका भरमा पूर्व मुख्यसचिव लोकमान सिंह कार्कीलाई अख्तियार प्रमुख बनाउन हुन्न भन्ने रिट परेको’ भन्दै त्यसलाई खारेज गर्न माग गरेका छन् ।

कार्कीविरुद्ध चैत ७ गते परेको रिटमा सर्वोच्च अदालतलाई लिखित जवाफ पठाउँदै अध्यक्ष दाहालले पूर्व सरकारका राजनीतिक दलहरूले कार्कीलाई सम्मानपूर्वक सुविधा दिँदै आएको अवस्थामा शंका र पूर्वानुमानका आधारमा अख्तियार प्रमुख बनाउन हुन्न भन्ने तर्क ठिक नरहेको बताएका हुन् ।

कार्कीलाई अख्तियार प्रमुख बनाउन चार दलको उच्चस्तरीय राजनीतिक समितिले निर्णय गरी मन्त्रिपरिषद् अध्यक्ष खिलराज रेग्मीलाई पठाउने बित्तिकै सर्वोच्चमा त्यस निर्णयविरुद्ध अधिवक्ता ओमप्रकाश अर्यालले रिट दर्ता गरेका थिए ।

रिटको पहिलो सुनुवाइमै न्यायाधीश सुशीला कार्कीको एकल इजलासले कार्कीलाई अख्तियार प्रमुख बनाउने निर्णय कार्यान्वयन नगर्न सरकारका नाममा अन्तरिम आदेश जारी गरेको थियो । सर्वोच्चले राष्ट्रपति कार्यालय, मन्त्रिपरिषद्, अख्तियार, दाहालसँग कार्कीलाई अख्तियार प्रमुखबाट हटाउन नहुने विषयमा लिखित जवाफ माग गरेको थियो ।

त्यही मागअनुसार दाहालले सोमबार सर्वोच्चमा लिखित जवाफ पठाउँदै कार्कीविरुद्ध परेको रिट खारेज हुनुपर्ने बताएका हुन् ।

‘पूर्व सरकारका राजनीतिक दलहरूले नै कुनै कारबाही नगरी सम्मानपूर्वक सुविधा दिइरहेको र जाँचबुझ आयोगको प्रतिवेदन सार्वजनिक नभइरहेको अवस्थामा नयाँ राजनीतिक दलहरूलाई सबै कुराको फेहरिस्त प्राप्त हुनु पर्दैन,’ लिखित जवाफमा भनिएको छ, ‘संवैधानिक परिषद्ले नियुक्त गरिसकेको अवस्थामा पनि कहीँबाट कानुन बमोजिम दोषी भए बदर हुने हुँदा पूर्वअनुमान शंका र समाचारको भरमा आएको रिट निवेदन वर्तमान अवस्थामा बदरभागी छ ।’

कार्की जनआन्दोलनका दमनकर्ता एवं अख्तियारले समेत सरकारी सेवामा अयोग्य ठहर गरेको व्यक्ति भएकाले उनलाई नियुक्ति नगर्न माग गर्दै सर्वोच्चमा रिट परेको थियो । अख्तियार स्वयंले कार्की प्रमुख बन्न अयोग्य भन्दै चैत २२ गते सर्वोच्चमा लिखित जवाफ पठाएको थियो ।

दाहालले मुकुन्द न्यौपानेको वारेसनामामा सोमबार लिखित जवाफ पठाएका हुन् । यसअघि कार्कीको मुद्दा पेसीमा चढे पनि बहस हुन भ्याएको थिएन । मंगलबार सर्वोच्चमा दुवै पक्षको बहसका लागि पेसी तोकिएको छ । यो बहसपछि कार्की अख्तियार प्रमुखको निम्ति योग्य हुने कि नहुने निर्णय आउनेछ ।

Hundai
fasino
sagoon

प्रतिकृया दिनुहोस

बिज्ञापन

थप समाचार

  • स्वीस सहयोगलाई प्राथमिकतामा राख्न नेपालको आग्रह

    स्वीस सहयोगलाई प्राथमिकतामा राख्न नेपालको आग्रह

    परराष्ट्रमन्त्री डा प्रकाशशरण महतले स्वीट्जरल्यान्डका विदेशमन्त्री दिदिर बर्कहल्टरबीच आज जेनेभामा भएको भेटवार्तामा आगामी दिनमा नेपालमा पूर्वाधार विकासको क्षेत्रमा स्वीस सहयोगलाई प्राथमिकतामा राख्न आग्रह गरेका छन्।

  • दल दर्तामा एमाले र फोरम सँगसँगै

    सङ्घीय समाजवादी फोरम नेपाल र प्रमुख प्रतिपक्ष दल नेकपा ९एमालेले आगामी स्थानीय तहको निर्वाचनमा भाग लिने सन्दर्भमा आज सँगसँगैजसो निर्वाचन आयोगमा दल दर्ताका लागि निवेदन दिएका छन्। संविधान संशोधन प्रस्तावप्रति फरक मत जाहेर गर्दै आएको एमाले र संविधान संशोधन नभई निर्वाचनलाई मान्दैनौं भन्दै आएको फोरमका नेताको आयोगको दल दर्ता कोठामा भएको जम्काभेटलाई एउटा सुखद् संयोगकै रुपमा लिइएको छ।

  • सरकार मधेस, पहाड र हिमाललाई जोड्न लागेको छ- प्रधानमन्त्री

    सरकार मधेस, पहाड र हिमाललाई जोड्न लागेको छ- प्रधानमन्त्री

     प्रधानमन्त्री पुष्पकमल दाहाल ‘प्रचण्ड’ले सरकार मधेस, पहाड र हिमाललाई जोडेर लैजाने काममा लागेको बताएका छन्। दुई हजार एक सय ४४ औँ ग्याल्बो ल्होसारका अवसरमा आज हिमालयन सांस्कृतिक केन्द्रले राजधानीको सिफलचौरमा आयोजना गरेको कार्यक्रममा उनले सबै क्षेत्रमा बसोबास गर्ने नेपालीका बीचमा संविधानलाई स्वीकार्य बनाउने गृहकार्यमा सरकार जुटेको बताए।  

  • मन्त्रालयहरुद्वारा कानुनविपरित २ खर्ब ७६ करोड माग

    मन्त्रालयहरुद्वारा कानुनविपरित २ खर्ब ७६ करोड माग

    विकास बजेट खर्च गर्न नसक्ने मन्त्रालयले आर्थिक वर्षकै मध्यतिर थप रकम माग गरेका छन्। अर्थ मन्त्रालयका अनुसार २९ वटै मन्त्रालयबाट थप बजेट माग भएर आएको छ। सबैले माग गरेको रकम जोड्दा दुई खर्ब ७६ करोड रुपैयाँ पुग्छ। यसमध्ये केही रकम निकासा भइसकेको अर्थ मन्त्रालय, बजेट महाशाखा प्रमुख मधु मरासिनीले बताए।

  • मन्त्री खड्काद्वारा महत्वकांक्षी योजना सार्वजनिक

    मन्त्री खड्काद्वारा महत्वकांक्षी योजना सार्वजनिक

    मन्त्रालय सम्हालेको एक महिनाभित्रै महिला बालबालिका तथा समाजकल्याण मन्त्री कुमार खड्काले महत्वकांक्षी योजना सार्वजनिक गरेका छन्। सोमबार मन्त्रालयमा पत्रकार सम्मेलन गरी मन्त्री खड्काले महत्वकाँक्षी योजना सार्वजनिक गरेका हुन्। जसअनुसार महिलामा मात्र लाग्ने पाठेघर, पाठेघरको मुख र स्तन क्यान्सरको सम्पूर्ण उपचार खर्च सरकारले व्यहोर्ने भएको छ।  त्यसकालागि मन्त्रालयले सरकारीअस्पतालसँग  सम्झौता गर्ने तयारी गरेको छ।

Hundai

लोकप्रिय

vianet

सूचनापाटी