मुलुकमा नयाँ बन्ने संविधानमा राख्ने धर्म सम्बन्धी ब्यवस्थाको विषयमा बहस भईरहेको बेला हिन्दु प्रतिष्ठान नेपालले भारतीय सत्तारुढ दल भारतीय जनता पार्टीका महासचिव अर्जुन मुण्डालाई ल्याएर बृहद अर्न्तक्रिया गराउने भएको छ।
प्रतिष्ठानले मंगलबार रिपोर्टर्स क्लब नेपालमा पत्रकार सम्मेलन गरेर धर्मको विषयमा बृहद अर्न्तक्रिया गरेर त्यसबाट प्राप्त सुझावलाई संविधानसभामा बुझाउने जानकारी दियो।
प्रतिष्ठानले आगामी साउन २१ गते महासचिव मुण्डाको प्रमुख आतिथ्यमा प्रज्ञा प्रतिष्ठानमा बृहद अर्न्तक्रिया गर्न लागेको हो। त्यसअघि सोही दिन अपरान्ह १२ बजेर १५ मिनेटमा रत्नपार्कबाट र्यालीसहित प्रज्ञाप्रतिष्ठान पुग्ने कार्यक्रम रहेको प्रतिष्ठानका अध्यक्ष सुशील कोइरालाले जानकारी दिए।
