सूचना तथा संचार मन्त्री डा. मिनेन्द्र रिजालले १५ दिन थपेर भए पनि सिमाङ्कन सहितको सविधान जारी गर्नु पर्ने बताएका छन्। सरकारका प्रवक्ता समेत रहेका मन्त्री रिजालले १५ दिन ढिलो सविधान जारी गर्दैमा केहि नविग्रिने बताउदै सिमाङ्कन सहितको सविधान जारी गर्नु पर्ने बताए। मन्त्री रिजालले संविधान जारी गर्ने नाममा सिमाङकको बिषयमा प्रबेसै नगरी अघि बढ्नु भन्दा १५ दिन कुरेर भए पनि सिमाङकन सहितको संविधान जारी गर्नु पर्ने बताए।
नेपाल पत्रकार महासंघ कास्की शाखाद्धारा संचालित दयाशंकर पालिखे पत्रकारिता पुरस्कारबाट पोखरामा पत्रकार कुशुमकेशव पराजुलीलाई सम्मान गर्दै उनले छापिने सबै चिज पत्रिका नहुने र अनलाईनमा देखिने सवै मिडिया नहुने बताए। उनले न्यूनतम आवश्यकता पूरा गरेका टेलिभिजन, रेडियो र छापा माध्यमलाई मात्रै मिडिया मानिने धारणा राखे।
सम्पादक, कार्यालय, दर्ता, नाफा गरेको भए कर तिरेको छ कि छैन र प्रयोग गरेका सामग्रीको मूल्य अभिवृद्धि कर तिरेकोलाई मात्र मिडियाको मान्यता दिन सकिने वताउंदै मन्त्री रिजालले मापदण्ड पूरा गरेका सबै संचार माध्यमलाई मिडिया मान्न सकिने वताए। रिजालले वाक तथा प्रकाशक, स्वतन्त्र अभिव्यक्ति भय र धार्मिक स्वतन्त्रसंग कसैसंग सम्झौता गर्न नसकिने बताए। उनले सरोकारवालाहरु संगको सहयोग नपाउंदा आम संचार नीति आउन नसकेको बताए।
पराजुलीलाई सूचना तथा सञ्चार मन्त्री डा. मिनेन्द्र रिजाल, स्वर्गीय दयाशंखर पालिखेकी धर्मपत्नी उत्तराकुमारी पालिखे, नेपाल पत्रकार महासंघ कास्कीका अध्यक्ष रामकृष्ण ज्ञवालीले पराजुलीलाई सम्मान गरे। पराजुलीलाई नगद ३३ हजार ३ सय ३३, ताम्रपत्र र दोसल्ला ओढाएर सम्मान गरीएको हो। पराजुली यस अघि राष्ट्रिय पत्रकारीता सम्मान तथा अन्य विभिन्न संघ संस्थाबाट समेत सम्मानित भैसकेका थिए।
