एमाओवादीका सभासदहरुले पार्टीको एजेण्डा विपरित नेतृत्वले गएर सहमति गरेको भन्दै एमाओवादी सभासदले पार्टी नेतृत्वको आलोचना गरेका छन्।
शुक्रबार बसेको संसदीय दलको बैठकमा बोल्ने अधिकांश सभासदले १६ बुँदे सहमतिप्रति नेतृत्वको अनावश्यक लचक भएको भन्दै आलोचना गरे। नामांकन र सिमांकन बिनाको संघीयतामा सहमति जनाइएकोमा उनीहरुले नेतृत्वप्रति आक्रोश पोखेका थिए।
अध्यक्ष पुष्पकमल दाहालले संविधानसभाको शक्ति सन्तुलनका कारण आफ्नो एजेन्डा संविधानमा उल्लेख गराउन नसकेको स्वीकार गर्दै आफ्नै अडान मात्रै दोहोर्याइरहँदा संविधान नै नबन्ने खतरा रहेको बताएक थिए।
प्राप्त भएका उपलब्धी जोगाउन मुख्यदलहरुबीच सहमति गरी जतिसक्दो चाँडो संविधान जारी गर्नुको विकल्प नरहेको भन्दै उनले सभासदहरुलाई सम्झाएका थिए।