सरकारले लिपुलेकमा नेपाली भूमि अतिक्रमण भएकोबारे व्यवस्थापिका संसदलाई बिहीबार जवाफ दिएको छ ।
झण्डै डेढ घण्टा ढिलोगरी शुरु भएको व्यवस्थापिका संसदको बैठकमा परराष्ट्र मन्त्री महेन्द्रबहादुर पाण्डेले लिपुलेकमा नेपाली भूमि अतिक्रमण बारे जवाफ दिएका थिए।
मन्त्री पाण्डेले बुधबारको बैठकमा सभासदहरुले उठाएको प्रश्नको जवाफमा लिपुलेकबारे सरकारले दुबै छिमेकी मुलुकसँग आफ्नो धारणा दिइ कुटनीतिक वार्ता जारी रहेको बताएका छन्।
उनले नेपाल भ्रमणका बेला भारतीय प्रधानमन्त्रीले नेपाल भारतबीच विद्यमान सीमा विवाद आपसी वार्ता र सहमतिमा समाधान गर्ने प्रतिबद्धता भएको बताए।
नेपालले अन्तर्राष्ट्रिय मान्यता अनुसार छिमेकी सार्वभौमिकतालाई सम्मान गर्दै नेपालले चीन र भारतबीचको बक्तब्यले नेपालको सार्वभौम सत्तामा सम्मान हुने आशा व्यक्त गरे। उनले नेपालको क्षेत्रिय अखण्डता र सार्वभौमसत्तामा कसैसँग कुनै सझौता नगर्ने भन्दै सबै समस्याको समाधान कुटनैतिक पहलबाट गर्ने जानकारी दिए।
सभामुखले हिजोको बैठकमा सदस्यहरुले उठाएको विषयमा मन्त्रीले जवाफ दिन भने पनि मन्त्रीले जवाफ दिने बेलामा यो विषयमा कुरा उठाउने सदस्य अनुपस्थित भएकोमा राम्रो नभएको बताए।
